पर्सा | चिकित्सक र स्वास्थ्यकर्मीमा कोरोना पुष्टि भएपछि पर्साको पोखिरिया अस्पतालको ओपिडी सेवा बन्द गरिएको छ। आजबाट बन्द भएको छ ।अस्पतालका एक जना चिकित्सक, एक जना स्टाफ नर्स र एक जना अहेब गरी तीन जना संक्रमण देखिएपछि ओपिडी सेवा बन्द गरिएको छ।

आज अस्पताल बाट मौखिक रुपले मोबाईल फोनबाट नगरपालिकाका पदाधिकारी तथा अस्पताल व्यवस्थापन समितिलाई जानकारी गराएर अस्पतालको ओपिडी सेवा बन्द गरिएको पोखरिया अस्पतालकामेडिकल सुपरिटेन्डेन्ट डा.अनिल यादवले जानकरी दिए । यस सम्बन्धमा अस्पताल विकास समितिले तथा नगरपालिकाले बैठक बसेर निर्णय गर्न भने बाँकी रहेको उनले बताए । उनका अनुसार अस्पतालका थप दुई चिकित्सक र दुई जना नर्समा पनि कोरोनासँग मिल्ने लक्षण देखिएको छ ।

तीन जना संक्रमित भएको र थप चार जनामा लक्षण पनि देखिएको हुँदा ओपिडी सेवा बन्द गर्ने निर्णय बाध्य भएर लिनु परेको उनले बताए ।यसअघि, बीरगन्जस्थित नारायणी अस्पतालले सार्वजनिक गरेको पछिल्लो पिसिआर परिक्षणको रिपोट अनुसार पोखरिया अस्पतालका एक चिकित्सक र दुई स्वास्थ्यकर्मी गरी तीन जनामा कोरोना संक्रमण भएको पुष्टि भएको थियो ।येसरी कोरोनाका पोसेटिव डाक्टरमापनि देखिन थालेको जस्ले याहाका सेवाग्राही पनि जोखिममा रहेको पोखरिया अस्पतालका मेडिकल सुपरिटेन्डेन्ट डा.अनिल यादवले बताएका छ्न।