जनकपुरधाम। दलितमाथि भइरहेको हत्या हिंसाका विरुद्ध संयुक्त दलित सर्घष समितिले बिहीबार जनकपुरमा गरेको प्रर्दशनमा प्रहरीले दमन गरेको छ ।दलित संघर्ष समितिको नेतृत्वमा भएको प्रदर्शनको क्रममा प्रहरीले भीड तितरबितर पार्न केही राउण्ड हवाइ फायर र अश्रुग्यास प्रहार गरेको हो । हजारौंका संख्यामा गाउँ–गाउँबाट आएका प्रदर्शनकारीले जनकपुरको बाह्रबिगहाबाट जुलुस सरु गरेका थिए ।जुलुस मुख्यमन्त्री कार्यालय नजिक पुगेपछि प्रहरीले अश्रुग्यास प्रहार र हवाय फायर गरेको थियो ।
धनुषाका प्रहरी उपरीक्षक रमेश बस्नेतले प्रर्दशनकारी तोडफोमा उत्रिएपछि हवाई फायर गर्नुपरेको बताए । उनले भने,‘ प्रदर्शनकारीहरु मुख्यमन्त्री कार्यालयमा प्रवेश गरि तोडफोड गर्न खोजेका थिए ।’
दलित मृतक शम्भु सदा र राजु सदाको घटना र भोकका कारण ज्यान गुमाएका सप्तरी कञ्चनरुप नगरपालिका –५ का मलर सदालाई क्षतिपूर्तिको व्यवस्था गर्नुपर्ने माग गर्दै दलितहरुले शक्ति प्रर्दशन गरेका थिए ।जनकपुरधामको रंगभूमि मैदानमा जम्मा भई निस्केको सो विरोध र्याली रामानन्द चौक, पिडारी चौक, वन्सीचौक हुँदै मधेस भवन अगाडि आउँदा प्रहरीले लाठी प्रहार गरेको थियो । लाठी प्रहारबाट पनि प्रदर्शनकारीहरुले अगाडि बढ्दै जाँदा प्रहरीले ३ राउण्ड आश्रु ग्यास, ३ राउण्ड गोली हवाई फायर समेत चलाएको प्रदर्शनकारीहरुले दावी गरेका छन् ।
प्रहरीको लाठी प्रहारबाट केही युवाहरुलाई समान्य चोटपटक लागेको छ । तर प्रदर्शनकारीसँगै रहेका पत्रकार विपि साहलाई प्रहरीले नियन्त्रणमा लिएको छ । प्रदर्शनमा सहभागीहरुलेमृत शम्भु र राजु सदाको परिवारलाई संघीय सरकारबाट क्षतिपूर्ति देउ, प्रहरी हिरासतमा मान्छे मार्न पाईदैन, नवलपरासी घटनाको दोषीमाथि कारवाही गर, दलितमाथि हत्या, हिंसा बन्द गर लगायतको प्ले कार्ड बोकेर नारा जुलुस लगाएका थिए ।
धनुषाको सबैला नगरपालिकामा प्रहरी हिरासतमा रहेका शम्भु सदाको झुण्डिएरको अवस्थामा शव फेला परेको थियो । त्यस्तै धनुषाको हँसपुर नगरपालिका ६ पर्साही बस्ने राजु सदाको क्वारेन्टाइनमा उपचार सम्भव हुन नसक्दा प्रदेशिक अस्पतालमा पुर्याइएको थियो । तर त्यहाँ पनि चिकित्सकले उपचार नगरेपछि उनको मृत्यु भएको थियो ।