अमेरिकामा २४ घण्टामै २४ सयको मृत्यु ! संक्रमित संख्या ६ लाख नाघ्यो, २६ हजारले गुमाए ज्यान
वीरगंज संजाल
३ बैशाख २०७७, बुधबार ०६:४२
४४७३
काठमाडौँ । संयुक्त राज्य अमेरिकामा कोरोना भाइरस (कोभिड१९) को महामारी झन् भयावह बन्दै गएको छ । त्यहाँ पछिल्लो २४ घण्टामा मात्र २४ सयभन्दा बढीले ज्यान गुमाइसकेका छन् ।
यो समाचार तयार पार्दासम्म अमेरिकामा कोरोना भाइरसका कारण मंगलबार (पछिल्लो २४ घण्टा) मा मात्रै २४ सय ७ जनाको मृत्यु भएको छ । एकै दिन कोरोनाबाट यति धेरै संख्यामा मृत्यु भएको यो नै पहिलो घटना हो ।
पछिल्लो तथ्यांक अनुसार अमेरिकामा कुल संक्रमतिको संख्या ६ लाख १३ हजार ८८६ पुगेको छ । २६ हजार ९४५ नयाँ संक्रमित मंगलबार मात्र थपिएका छन् । त्यहाँ हालसम्म काेराेना संक्रमणका कारणा २६ हजार ४७ जनाको मृत्यु भइसकेको छ ।
काेराेनाबाट सबैभन्दा बढी प्रभावित राज्य न्यूयाेर्कमा मात्रै १० हजार ८३४ काे मृत्यु भइसकेकाे छ । त्यहाँ मंगलबार मात्र ७७८ जनाकाे मृत्यु भएकाे छ भने ७ हजार ५६८ नयाँ केस फेला परेका छन् । यससँगै न्यूयाेर्कमा कुल संक्रमितकाे संख्या २ लाख ३ हजार १२३ पुगेकाे छ ।