विरगंज |  विश्वव्यापी महामारीको रुप लिइरहेको कोरोना भाइरस (कोभिड–१९) बारे फेरी अर्काे अफवाह फैलिएको छ ।
सरकारले विशेष सैनिक हेलिकोप्टरमार्फत राति १२ बजेपछि कोरोना भाइरसको विषादी छर्ने भन्दै फेसबूक लगायत सामाजिक सञ्जालमा एउटा अडियो भाइरल भइरहेको छ ।नेपाली सेनाका प्रवक्ता सहयाक रथी विज्ञानदेव पाण्डेले हेलिकोप्टरमार्फत कोरोनाविरुद्धको औषधि छर्ने कुरा हल्ला मात्रै भएको बताए । ‘सेनाले कुनै त्यस्तो तयारी गरेको छैन, उनले भने, ‘यो सबै अफवाह मात्रै हो, यस्तो हल्ला फैलाउनेलाई कानूनी दायरामा ल्याउनु पर्छ ।’यसअघि आज (शनिबार) मात्रै नेपालमा कोरोना भित्रिएको र एक जनाको मृत्यु र ८ जना संक्रमित भएको भन्दै भ्रम फैलाउनेलाई प्रहरीले पक्राउ गरिसकेको छ । नेपालमा कोरोनाको जोखिम बढ्दै जाँदा थप सतर्कता अपनाउनु पर्नेबेला केही गलत व्यक्तिहरुले सामाजिक सञ्जालको दुरुपयोग गर्दे भ्रम फैलाउने गरेको पाइएको छ ।यद्यपी कोरोनाबारे भ्रम फैलाउनेलाई सरकारले कडा कारवाही गर्ने बताइसकेको छ ।