काठमाडौं । कास्कीको पोखरा महानगरपालिका–२२ कालिमाटी नजिकै कार दुर्घटना हुँदा एक महिलाको मृत्यु भएको छ । अन्य तीन जना घाइते भएका छन् । मृत्यु हुनेमा कारमा सवार कास्कीको पोखरा महानगरपालिका-१७ बस्ने २१ वर्षीया जमुना क्षेत्री रहेकी छन् ।

दुर्घटनामा परी तनहुँको बन्दीपुर घर भई हाल पोखरा महानगरपालिका १७ बस्ने २१ वर्षीया विना थापामगर, उनकी अन्दाजी ४ वर्षीय छोरा अनिष थापामगर र मृतक जमुनाकी डेढ वर्षकी छोरी घाइते भएको उनले बताए ।

घाइते आमा-छोराको विरौटास्थित नमस्ते अस्पताल र बालिकाको मणिपाल अस्पतालमा उपचार भइरहेको डीएसपी केसीले बताए । डीएसपी केसीले भने, ‘चालकले मादक पदार्थ सेवन गरेर कार चलाएका कारण दुर्घटना भएको देखिन्छ ।’

गुल्मीको सत्यावती गाउँपालिका १ घर भएका कारका चालक २८ वर्षीय शिव पाण्डेलाई नियन्त्रणमा लिएर अनुसन्धान भइरहेको उनले बताए ।Onlinekhabar