जनकपुर | धनुषामा एक दालमोठ उद्योगमा आगलागी हुँदा सवा २ करोड बराबरको क्षति भएको छ । हिजो (सोमवार) राति करिब डेढ बजे तिर धनुषाको मिथिला नगरपालिका वडा नम्बर–६ ढल्केवरस्थित न्यु विकाजी दालमोठ उद्योगमा आगलागी हुँदा सवा २ करोडको क्षति भएको प्रहरीले जनाएको छ ।

आगलगीबाट उद्योगको तयारी अवस्थाका सामान, कच्चा पदार्थ, दालमोठ उत्पादनमा प्रयोग हुने उपकरण र घर समेत पूर्णरुपमा जलेर नष्ट भएको इलाका प्रहरी कार्यालय ढल्केवरका प्रहरी निरीक्षक तिर्थ कार्कीले जानकारी दिए । बारुण यन्त्र एवं स्थानीयको सहयोगमा आज (मंगलबार) विहान साढे ४ बजे आगोलाई नियन्त्रणमा लिइएको थियो ।घटनाको मुचुल्का उठाएर घटनाको सम्बन्धमा थप अनुसन्धान भइरहेको प्रहरी निरीक्षक कार्कीले बताए ।the nepal top