बागलुङ । बागलुङ नगरपालिका–१ रामरेखामा घरको छतबाट खसेर १५ महिने एक बालिकाको मृत्यु भएको छ । काठेखोला गाउँपालिका–८ लेखानी घरभई हाल रामरेखामा आफन्त सिता विकको घरमा आएकी पुतली विककी १५ महिने शिशु दिपसिना विकको आइतबार एक तला घरको छतबाट खसेर मृत्यु भएको जिल्ला प्रहरी कार्यालय बागलुङले जनाएको छ ।

दिउँसो घरको छतमा खेलिरहेको बेला भुइमा खस्दा मृत्यु भएको प्रहरीले जनाएको छ । घाइते विकको धौलागिरी अञ्चल अस्पतालमा सामान्य उपचारपछि मणिपाल शिक्षण अस्प्ताल पोखरामा पठाइ पनि अस्पतालले गए राति नै मृत घोषणा गरेको प्रहरी निरीक्षक दिपक रिजालले जानकारी दिए । पुतली कालिका मन्दिरमा पुजा गर्न आउँदा आफ्न्तीको डेरामा पसेकी थिइन ।raajdhanidaily