वीरगञ्ज महानगरपालिका वडा नम्बर १२ मुर्लिमा बिहीबार राति सवा ११ बजे भएको दुर्घटनामा बाराको परवानीपुर गाउँपालिका वडा नम्बर ५ बहुअरी बस्ने १६ वर्षीय आकाश पटेलको मृत्यु भएको हो ।
घाइते हुनेहरुमा वीरगञ्ज महानगरपालिका वडा नम्बर १० रानीघाट बस्ने १८ वर्षीय ओम पुरी, १६ वर्षीय सोनु साह कानु, वडा न.३० बस्ने १८ वर्षीय जयन्त अलि अन्सारी र बाराको फेटा गाउपालिका वडा नम्बर १ भलुही बस्ने १८ वर्षीय धिरेन्द्र दास रहेका छन् ।
घाईते भएका अन्सारीको छातिमा चोट लागी उपचार पश्चात घर फर्किएको तथा अन्य ३ जनाको हात टाउको पिठ्युमा चोट लागेको र उनीहरुको न्युरो अस्पताल वीरगञ्जमै उपचार भइरहेको छ ।
बिहबिार राति घण्टाघरबाट गण्डक तर्फ जाँदै गरेको बा.१५ च ७७७१ नम्बरको स्कार्पियो अनियन्त्रित भई सडकको बिचमा रहेको डिभाईडरमा ठोक्किँदा दुर्घटना भएको जिल्ला प्रहरी कार्यालय पर्साले जनाएको छ ।
