बेइजिङ । चीनका अधिकारीहरुले रहस्यमय भाइरसबाट वुहान भन्दा बाहिरपनि १३९ मानिस प्रभावित भएको जनाएका छन् ।
सो भाइरस वुहानबाट फैलिएको थियो । अन्य प्रभावित मानिस बेइजिङ्ग र सेन्जेनमा पनि भएको जनाएका छन् ।
अहिले पीडितको संख्या २ सय भन्दा बढी भएको सरकारी अधिकारीले नै बताएका छन् ।
विश्व स्वास्थ्य संगठन (डब्ल्युएचओ)ले धेरैतिर परीक्षण गर्न थालिएपछि सो रोगका थप बिरामी भेटिन थालेको जनाएको छ ।
नयाँ खालको कोरोना भाइरसबाट अहिलेसम्म चीनमा तीन जनाको मृत्यु भइसकेको छ । वुहानबाट जाने अन्तर्राष्ट्रिय उडानका यात्रुलाई विभिन्न देशले कडाइ गरिरहेका छन् । (बीबीसी)
वीरगंज संजाल
