रौतहट | रौतहटमा टिपरको ठक्करले एक जना साईकल यात्रीको मृत्यु भएको छ । जिल्लाको चन्द्रपुर नगरपालिका ८ सन्तपुरस्थित सुबलाल बहुमुखि क्यापस अगाडी ना ७ ख ४७४३ नम्बरको टिपरले ठक्कर दिँदा जिल्लाको बृन्दावन नगरपालिका १ बलरी गाउका ३३ वर्षीय बिगल पटेल भन्ने राजकुमार पटेलको मृत्यु भएको जिल्ला ट्राफिक कार्यालय रौतहटका प्रहरी निरीक्षक शैलेश न्यौपानेले जानकारी दिए ।
ठक्कर लागेपछि उपचारका लागि चन्द्रपुर हस्पिटल प्रा.लि.मा ल्याउने क्रममा मृत्यु भएको हो। मृतक पटेल विद्युत महसुल तिर्न चन्द्रनिगाहपुर आएका थिए। ठक्कर दिने टिपर र चालकलाई इलाका प्रहरी कार्यालय चन्द्रनिगाहपुरले पक्राउ गरिएको छ भने मृतक पटेलको शव पोष्टमार्टमको लागि चन्द्रनिगाहपुर सरकारी अस्पतालमा पठाइएको छ। Thahakhabar
