काठमाडाैँ | काठमाडाैँकाे गुर्जुधारामा मंगलबार बिहान ट्रकको ठक्करबाट एक जनाकाे ज्यान गएकाे छ ।बिहान करिब सवा ६ बजेतिर चन्द्रागिरी नगरपालिका-७ थानकोट, चेकपोस्ट घर भएका ४१ वर्षीय अर्जुनबहादुर केसीकाे माेटरसाइकललाई ट्रकले ठक्कर दिएकाे हाे ।

केसी कलंकीस्थित एलआरआई स्कुलमा छोरालाई पुर्‍याउन मोटरसाइकलमा गइरहेका थिए । साेही बेला प्रदेश ३–०२–००९ प ७६२१ नम्बरको उनकाे मोटरसाइकललाई नम्बर नखुलेको ट्रकले ठक्कर दिएको प्रहरीले जनाएको छ ।

ठक्करबाट छाेरालाइ स्कुल पुर्‍याउन गएका बाबुकाे घटनास्थलमै मृत्यु भएकाे हाे । मोटरसाइकलमै रहेका अर्जुनका छोराको अवस्था भने ‘सामान्य घाइते’ रहेको प्रहरीले जनाएकाे छ ।

प्रहरी स्राेतका अनुसार ठक्कर दिएर भागेको ट्रकको खोजी भइरहेको छ भने मृतक केसीको शव पोष्टमार्टमका लागि महाराजगञ्जस्थित त्रिवि शिक्षण अस्पतालमा राखिएकाे छ ।

हिजाे साेमबार बिहान मात्रै सुकेधारामा कलेज जान बाटाे काटिरहेकी सृष्टि पन्तकाे बसकाे ठक्करबाट ज्यान गएकाे थियाे । उनी चाबहिलस्थित पशुपति क्याम्पसमा अध्ययनरत थिइन् । news24