अर्घाखाँची | अर्घाखाँचीमा भएको बस दुर्घटनामा परी मृत्यु हुनेको सङख्या १८ पुगेको छ। मृतकमध्ये ८ जनाको सनाखत भएको सशस्त्र प्रहरी बलका प्रहरी नायब उपरीक्षक माधव रेग्मीले जानकारी दिए।

सनाखत हुनेमध्ये सन्धिखर्क नगरपालिका वडा-७ बस्ने ५६ वर्षिय शिवलाल भट्टराई‚ बलराम भट्टराई, ५० बर्षीया माया पुरी, २२ वर्षीया मनिका खड्का, भुमेकास्थान नगरपालिका-९का १९ बर्षीय शैलेस थापा, सन्धिखर्क नगरपालिका-३की सिता भाट, चालक ॐ बहादुर थापा, सशस्त्र प्रहरी बल रुपन्देहीमा कार्यरत गुल्मीका राजकुमार महत रहेका छन्।

अर्घाखाँचीबाट बुटवलतर्फ आउदै गरेको लु २ ख २१४८ नम्बरको बस बाटोबाट करीब ३ सय मिटर तल खसेको प्रहरीले जनाएको छ। दुर्घटनामा परी १३ जना घाइते भएका छन्। घाइतेहरुको बुटवल तथा अर्घाखाँचीमा उपचार भइरहेको छ।दुर्घटनाको कारण भने अहिले सम्म खुल्न सकेको छैन।