मकवानपुर | जिल्ला प्रहरी कार्यालय मकवानपुरले एक किलो नक्कली सुनसहित २ जनालाई नियन्त्रणमा लिएको छ ।प्रहरीले हेटौंडा–१ स्थित त्रिभुवन राजपथ सडक खण्डमा भैंसेबाट हेटौंडातर्फ आउँदै गरेको बा९३प ९०६ नम्बरको मोटरसाइकलमा सवार २ जनालाई चेकजाँचको क्रममा नक्कली सुनसहित प्रहरीले नियन्त्रणमा लिएको हो ।

प्रहरीले मोटरसाइकल चालक दोलखा जिरी–३ का ४७ वर्षीय ध्यालसिंह शेर्पा र मकवानपुर राक्सिराङ्ग–४ का अभयकुमार थिङलाई नक्कली सुनसहित नियन्त्रणमा लिएको हो ।यसअघि पनि उनीहरुले विभिन्न स्थानमा नक्कली सुन देखाई ठगी गरेको हुनसक्ने प्रहरीको अनुमान छ । उनीहरु दुवैजनालाई ठगी मुद्दामा आवश्यक अनुसन्धान भइरहेको प्रहरीले जनाएको छ ।