एजेन्सी । फेसबुकले समाचार उद्योगलाई ‘हामी तपाईँको मद्दतका लागि हौँ’ भन्ने नयाँ सन्देश पठाएको छ । शुक्रबार मात्र कम्पनीले सार्वजानिक रुपमा ‘फेसबुक न्युज’ भन्ने नयाँ अंश लन्च गरिएको घोषणा गरेको हो जसले विभिन्न किसिमका समाचारहरु प्रचार गर्ने बताइएको छ । सो अंश अहिले परीक्षणको क्रममा रहेको र केही महिनामै सम्पूर्ण प्रयोगकर्ताको फिडमा उपलब्ध हुने बताइएको छ । फेसबुकको न्युज पार्टनरशीपकी प्रमुख क्याम्बेल ब्राउनले सीएनएनसँगको अन्र्तवार्तामा भनेकी छन्, “यो समाचार उद्योगसँग हाम्रो सम्बन्धको स्मरणीय क्षण हुनेछ । मलाई थाहा छ धेरै मानिसहरु न्युज बिजनेसमा हाम्रो प्रतिबद्धतामाथि शंका व्यक्त गरिरहेका छन् । त्यसैले हाम्रो यो निर्णयले हामी रिपोर्टिङका विषयमा वास्तवमै च्याम्पियन बन्न चाहान्छौँ भन्ने संकेत दिन्छ ।”

यसरी फेसबुक कम्पनीले ‘आजका स्टोरी’ नामक सेक्सन सञ्चालनकै लागि केही संचारकर्मीहरु समेत नियुक्त गरिसकेको बताएको छ जसले मुख्य हेडलाइनहरु छनौट गर्नेछन् । तिनै शिर्षकहरु न्युज सेक्सनमा देखा पर्ने बताइएको छ । यसपछि मानिसहरुले कुन समाचार बढी पर्छन् त्यसैका आधारमा सबैको फिडमा ‘रिकमेन्डेसन’ अर्थात उस्तै प्रकारका स्टोरीहरु बढी आइरहने कम्पनीको भनाइ छ । यसमा सबै समाचारहरु बाहिरी श्रोतबाट आउने र फेसबुकले आफ्नो छुट्टै कभरेज भने उत्पादन नगर्ने बताइएको छ । कतिपय प्रकाशकहरुले आफ्नो सामग्री फेसबुकमा पोस्ट गर्न रकम समेत भुक्तान गर्ने बताइएको छ तरपनि धेरै संचार संस्थाले फेसबुकसँग कारोबार गर्न नपर्ने बताइएको छ जुन प्रक्रिया जटिल हुन सक्ने बताइएको छ ।

तर अर्कोतर्फ पहिले नै संघर्षरत् स्थानीय न्युजरुमहरुले भने आफूलाई किनारा लगाइनेप्रति ठूलो आपत्ति जनाइरहेका छन् । यसबारेमा द सन जर्नल दैनिकका ल्यारी गिल्बर्टले भनेका छन्, “यो धेरै राम्रो कुरा हो कि फेसबुक अन्य राष्ट्रिय समाचार संस्था मध्ये न्युयोर्क टाइम्स र वासिङटन पोस्टलाई भुक्तान गर्न तयार भयो तर त्यसो गर्दैगर्दा साना बजारका पत्रिका दैनिकहरुले भने आफ्नो संस्था बन्द गर्नु परिरहेको छ । ” द सन जर्नलकै अर्को दैनिक, ‘जर्नल ट्रिब्युन’ अघिल्लो महिनामा मात्र बन्द गरिएको थियो । यस्तोमा ठुल्ठुला राष्ट्रिय र अन्र्तराष्ट्रिय स्तरका समाचार संस्थाहरुले प्रकाशित नगर्ने खबरहरु नछापिने डर रहेको उनले बताए जुन केबल स्थानीय पत्रिकामा मात्र प्रकाशित हुन्थे । उनले थप भनेका छन्, “ अब साना बजारबारे र ग्रामीण क्षेत्रहरुका घटना कसले कभर गर्ने ? फेसबुकले हामी अति सानो भयौँ भनेर निर्धारित गरेकै आधारमा विगत १० – १५ वर्षदेखि चलाइरहेको संस्था हामीले अहिले बन्द गर्नुपर्ने ? ”

उनको सो भनाइको जवाफमा फेसबुकले शुक्रबारको ब्लगपोस्टमा पहिलो परीक्षणको चरणमा स्थानीय प्रकाशकहरु समावेश गरिने बताएको हो जसमा अहिलेका लागि न्युयोर्क, लस एन्जलस, सिकागो, डल्लास–फोर्ट वर्थ, फिलाडेल्फिया, हस्टन, वासिङटन डीसी, मायामी, अट्लान्टा र बस्टन लगायतका शहरहरु पर्ने बताइएको छ । सीएनएनबाट