एजेन्सी । शुक्रबार बिहान देखि परेको अबिरल बर्षाछि आएको बाढी र पहिरोमा परी पूर्वी जापानको चिबामा ८ जनाको ज्यान गएको छ । समाचार शुत्रहरुका अनुसार अझै २ जना बेपत्ता भएका छन् ।

चिबाको मिदोरी भन्ने ठाउँका २ स्थानमा पहिरो गएको स्थानीय संचार माध्यमहरुले जनाएका छन् । संचार माध्यमहरुका अनुसार झन्डै २ हजार मानिसहरुलाई सुरक्षित स्थानमा सारिएको छ ।

बाढी र पहिरोले क्षति पुर्‍याएका स्थानमा उद्दार कार्य भैरहेको र मृतकको संख्या समेत बढ्न सक्ने अधीकारी हरुले बताएका छन् । अहिले सम्मको जानकारी अनुसार ४ हजार ७ सय भन्दा बढी घरमा पानीको आपूर्ति बन्द भएको छ ।

यस अघि जापानमा आँधीका कारणले १०० भन्दा धेरैले ज्यान गुमाएका थिए । यस अघिको आँधीले क्षति पुर्‍याएका क्षेत्रमा उद्दार र पुनर्निमाण कार्य जारी रहेकै समयमा शुक्रबार पूर्वी जापानमा भीषण बर्षा भएको थियो ।