टोक्यो । जापानमा १८ लाख अमेरिकी डलरबराबरको हिरा चोरी भएको बताइएको छ । बिहीबार हराएको उक्त हिरा खोजी गर्न जापान प्रहरीले शुक्रबारदेखि तीव्रता दिएका छन् ।

टोक्योमा रहेको एक गहना पसलबाट उक्त हिरा चोरी भएको बताइएको छ । जापान प्रहरी प्रवक्ताले एएफपीलाई भने, “उक्त हिरा बिहीबार हराएको हो । दुई मिलियन यान बराबरको उक्त हिरा डिस्प्ले केशमा राखिएको बेला चोरी भएको हुनसक्छ ।”

५० क्यारेटको उक्त हिरा योकोहामा सहरस्थित कम्पनीमा सुरु भएको तीन दिनको शोमा राखिएको थियो । जहाँ चीन, जापान, रुस र अन्य विभिन्न मुलुकका व्यापारीहरुले आ-आफ्नो मुलुकको उत्पादन राखेका थिए । पब्लिक बोर्डकास्टर एनएचकेका अनुसार त्यहाँ काम गर्ने कर्मचारीले शोकेशमा राखिएको हिरा नभएको र डिस्प्ले केशको ताला निकालिएको देखेका थिए ।