काठमाडौं । तस्करीमा संलग्न व्यक्तिहरुले प्रहरी चेकजाँच छल्न अनेक उपाय निकाल्छन् । कहिले शरीरका गोप्य अंगमा त कहिले आफूले लगाएको लुगामा उनेर बोक्छन् लागु औषध  । पर्सामा भने एक लागुऔषध तस्कर शरीरभरी लागु औषधसहित समातिएका छन् । बाहिर सामान्य देखिएका वीरगञ्ज महानगरपालिका–१६ नगवा बस्ने २३ वर्षीय बिहारी मलिक डोम शरीरका विभिन्न भागमा लुकाएर राखेको लागु औषधसहित पक्राउ परेका हुन् ।

प्रहरीले शंकाका आधारमा उनको शरीर चेकजाँच गर्दा लागु औषध औनरेक्स १५ बोतल बरामद गरेको हो । यस्तै झापा मेचि नगरपालिका– १९ काँकडभिट्टाका ३१ वर्षीय बिक्की भुजेल लागू औषध औनरेक्स ५ बोतल, नाईट्रोभेट ६०० ट्यावलेट र स्पास्मो १६ क्याप्सुल सहित पक्राउ परेका छन् ।