धनुषा : प्रहरीले मोटरसाइकल चोरी गरेको आरोपमा छुट्टाछुट्टै ठाउँबाट दुई जनालाई पक्राउ गरेको छ । धनुषाको धनौजी गाउँपालिका र जनकपुरधाम उपमहानगरपालिका–१० स्थित पुलचोकबाट चोरिएका दुई वटा मोटरसाइकल बरामद गर्दै चोरीमा संलग्न २ जनालाई धनुषा प्रहरीले पक्राउ गरेको हो ।

प्रहरीले धनौजी गाउँपालिका–४ बस्ने वर्ष २० बर्षीय चन्दन मण्डल र धनौजी गाउँपालिका–१ लखौली बस्ने १९ बर्षीय बिनोद कुमार साह पक्राउ गरेको हो । धनौजी गाउँपालिका ५ बहुअर्वा बजारमा पार्किङ्ग गरी राखेको ज.७ प. ७०५६ नम्बरको होन्डा साइन मोटरसाइकल चोरी भएको थियो ।

उक्त मोटरसाइकल धनुषाकै नगराइन नगरपालिका–७ लभटोली चोकस्थित बाटोमा डोर्याउँदै गरेकालाई फेला पारी नियन्त्रणमा लिएको छ । यस्तै, जनकपुरधामको पुलचोकबाट चोरी भएको ज.९ प. ६८७१ नम्बरको पल्सर मोटरसाईकलसहित धनौजी गाउँपालिका–१ लखौली बस्ने १९ बर्षीय बिनोद कुमार साहलाई उनको घरबाटै पक्राउ गरेको छ ।मोटरसाइकल चोरीमा संलग्न दुबैबिरुद्व चोरी शिर्षकमा मुद्दा दर्ता गरी आवश्यक अनुसन्धान शुरु गरिएको प्रहरीले जनाएको छ ।