धनुषा ।कटुवा पेस्तोलसहित ४ जनालाई धनुषा प्रहरीले पक्राउ गरेका छन् । जिल्लाको बिदेह नगरपालिका वडा नम्वर ६ का २५ वर्षीय अविनाश कुमार मण्डलले घरमा लुकाई छिपाई राखेको अवस्थामा कटुवा पेस्तोलसहित ४ जनालाई प्रहरीले पक्राउ गरेको हो ।

पक्राउ पर्नेहरुमा बिदेह नगरपालिका वडा नम्वर ६ का २१ वर्षीय लक्ष्मी मण्डल (खत्वे), १९ वर्षीय सोबिन मण्डल र सिरहाको औरही नगरपालिका वडा नम्वर ६ लरहिया घर भई सोही ठाउँ बस्ने ३५ वर्षीय मिश्रीलाल मण्डल रहेको जिल्ला प्रहरी कार्यालय धनुषाले जनाएको छ ।

विशेष सूचनाको अधारमा ईलाका प्रहरी कार्यालय औरही र प्रहरी चौकी गिद्धाबाट खटिएको टोलीले खानतलासी गर्ने क्रममा मण्डलको घरबाट कटुवा पेस्तोलसहित उनीहरुलाई पक्राउ गरेको हो ।

पक्राउ परेका चारैजनालाई आवश्यक अनुसन्धानपछि हतियार ओसार–पोसारमा संलग्न रहेकोमा मुद्दा दर्ता गरी अनुसन्धान थालिएको जिल्ला प्रहरी कार्यालय धनुषाका डिएसपी रामेश्वर कार्कीले जानकारी दिए ।hamottaripost