सप्तरी।सप्तरीमा अज्ञात समूहको गोली प्रहारबाट एक युवा घाइते भएका छन् । घाइतेहुनेमा जिल्लाकै डाक्नेश्वर नगरपालिका वडा नम्वर ७ ब्रहमपुरका २५ वर्षीय भगवती मण्डलमाथि गोली प्रहार भएको सप्तरी प्रहरीले जनाएको छ ।

मण्डलमाथि विशहरियास्थित कोशी पम्प चन्द्रनहरमा अज्ञात समूहले गोली हानेको थियो । उनको बाँया पाखुरामा गोली लागेको र उपचारका लागि धरानतर्फ पठाइएको सप्तरीका प्रहरी उपरीक्षक कृष्ण प्रसाईले जानकारी दिए ।