प्रस| पर्सा, बारा, रौतहट, सर्लाही, मकवानपुर र बिहारको जनताको लागि उपचारको केन्द्र मानिने वीरगंजमा डेंगु रोगीको सङ्ख्या बढ्ने क्रम जारी छ । एक महीनाभित्र डेंगु रोगी १३० जना पुगेका छन् । वीरगंजको करीब आधा दर्जन अस्पताल तथा दुई दर्जन क्लिनिकहरूबाट आएको तथ्याङ्कको अधारमा वीरगंजमा करीब १ सय ३० जना डेंगु रोगीको उपचार भइरहेको पाइएको छ ।

 नेपाल मेडिकल एसोसिएशन नारायणी वीरगंजको तथ्याङ्क अनुसार १३० मध्ये ५० प्रतिशत रोगी उपचार गराई घर फर्किसकेका छन् । ५० प्रतिशत विभिन्न अस्पतालमा उपचार गराइरहेको एसोसिएशनका महासचिव डा. उदयनारायण सिंहले जानकारी गराए । उनले नारायणी अस्पतालमा ६० जना, नेशनल मेडिकल कलेजमा ३० जना, तराई अस्पतालमा ११ जना, गण्डक अस्पतालमा छजना, हेल्थ केयरमा छजना, एडभान्समा १४ जना र भवानीमा तीनजना गरी करीब १३० जना रोगी अस्पताल तथा क्लिनिकको सम्पर्कमा आएको बताए । अहिले वर्षात्को मौसम भएकोले सफा पानी जम्ने ठाउँ रहिरहेसम्म डेंगु रोगीको सङ्ख्यामा वृद्धि भइरहने चिकित्सकहरूको भनाइ छ ।

वीरगंजमा फेला परेको डेंगुमध्ये  करीब १० प्रतिशत भारत बिहारका पनि रहेको बताइएको छ । नारायणी अस्पतालका अर्का डा. नीरजकुमार सिंहका अनुसार हेटौंडा र चितवनमा काम गर्ने तराईका जिल्लाजस्तै पर्सा, बारा, रौतहटका बासिन्दा पनि हाल गृह जिल्ला फर्केर नारायणीमा उपचार गराइरहेकाले पनि वीरगंजको तथ्याङ्कमा बढोत्तरी भएको बताए । अर्कोतर्फ भारत बिहारका डेंगु रोगी पनि वीरगंजमा आएर उपचार गराइरहेका छन् । अवस्था चिन्ताजनक रहे तापनि भयावह नरहेको वीरगंज महानगर स्वास्थ्य तथा सामाजिक विकास महाशाखा प्रमुख अरुणकुमार महतोले बताए ।

उनले १३० जना डेंगु रोगीमध्ये ३७ जनामात्र वीरगंजवासी रहेको र बाँकी छिमेकी जिल्ला र भारतीय रहेको बचाए । उनले महानगरले डेंगु रोग नियन्त्रणको लागि वडा–वडामा औषधी छर्ने तथा विद्यार्थी–शिक्षकलाई परिचालन गर्ने काम पनि शुरू गरेको बताए ।

आइतवारदेखि महानगरका ५० वटा विद्यालयका ५० जना शिक्षकलाई तालिम दिई कक्षा ८, ९, १० मा पढ्ने सयौ विद्यार्थाी परिचालन गरी डोर टु डोर शिविर चलाई डेंगुबाट बच्ने ज्ञान दिइने बताए । शिक्षक–विद्यार्थीले वडास्तरमा स्थानीयलाई आप्mनो घर, स्कूल, विभिन्न कार्यालय वरपर डेंगु रोग फैलाउने लामखुट्टेको वासस्थान सफाइ गर्ने सीप सिकाउने छन् ।

डेंगु रोकथामबारे अन्तत्र्रिmया
प्रस, पचगावाँ/    जगरनाथपुर गाउँपालिका स्वास्थ्य शाखाको आयोजनामा डेंगु रोग रोकथाम तथा सतर्कताबारे एकदिने अन्तत्र्रिmया कार्यक्रम सम्पन्न भएको छ ।
गापा उपाध्यक्ष विस्मिला खातुनले कार्यक्रमको उद्घाटन गरेकी थिइन् । सहस्वास्थ्य संयोजक प्रमेन्द्र साहले डेंगु रोगबारे जानकारी दिंदै लामो समयसम्म ज्वरो आउनु, टाउको दुख्नु, बान्ता हुनु, पसिना आउनु, खान रूचि नहुनु, जोर्नी तथा जीउ दुख्नु, आँखा रातो हुनु डेंगु रोगको लक्षण रहेको बताएका थिए । उनले घर वरपर जाली लगाउने, झुल लगाएर सुत्ने, लामखुट्टे भगाउने विषादि प्रयोग गर्नुपर्ने, घर नजीकै टायर नराख्न सुझाव दिएका थिए ।
कार्यक्रममा वडाध्यक्षहरू, स्वास्थ्यकर्मी, शिक्षकलगायतको उपस्थिति थियो ।