घाँटी रेटिएको अवस्थामा फेला परेको शव विहार सिकटाका संदिप केशरी रहेको खुलासा
वीरगंज संजाल
२ आश्विन २०७६, बिहीबार १५:४५
५०३९
वीरगन्ज। पर्साको बिन्दवासिनी गाउँपालिका वडा नं. ५ हांसवामा घाँटी रेटिएको अवस्थामा मंगलबार फेला परेको शवको सनाख्त भएको छ । फेला परेको शव भारत विहार पश्चिमी चम्पारण सिकटाको वडा नं. १० निवासी २७ बर्षिय संदिप कुमार केशरीको रहेको इलाका प्रहरी कार्यालय पोखरियाका प्रहरी निरिक्षक चन्द्र सिंहले वताए ।
हांसवास्थित पुल नजिकै खाल्डोमा फेला परेको शवको बुधबार पहिचान भएको प्रहरी निरिक्षक सिंहले जानकारी गराए । मंगलबार विहान ११ बजे व्यवारीसे अवस्थामा स्थानियहरु शवलाई देखे पछि प्रहरीलाई खबर गरेका थिए । प्रहरी घटना स्थलमा पुगी शवको मुचुलका उठाई पोस्टमार्टमका लागि नारायणी अस्पतालमा पठाएको थियो ।
इलाका प्रहरी कार्यालय पोखरियाले मृतकका बुआ, आमा सहितको आफन्तलाई आफ्नो गाडीबाट शव राखिएको ठाउँ नारायाणी अस्पताल वीरगंजमा पठाएको प्रहरी निरिक्षक सिंहले जानकारी गराए । फेला परेको शव हत्या गरेर नै फालेको प्रहरीको प्रारम्भीक अनुसन्धान छ भने थप अनुसन्धान भइरहेको प्रहरीले जनाएको छ ।
वीरगंज संजाल
