वीरगञ्ज : वीरगञ्जमा स्कुल बसको ठक्करबाट एक जना स्कुटी चालकको मृत्यु भएको छ । शुक्रबार राति वीरगन्ज महानगरपालिका २१ वीरगञ्ज पथलैया सडक खण्डमा स्कुल बसले ठक्कर दिँदा स्कुटी चालक मकवानपुर चुरेमाई गाउँपालिका ३ रातोमाटेका ४० वर्षीय बीर बहादुर पाख्रिनको मृत्यु भएको हो ।
वीरगञ्जको गण्डकमा रहेको हरिकेज पब्लिक स्कुलको ना ४ ख ३६३३ नम्बरको स्कुल बसले ना ६२ प ५१३० नम्बरको स्कुटीलाई ठक्कर दिँदा स्कुटीका चालक पाख्रिन गम्भिर घाइते भएका थिए । घाइते पाख्रिनलाई उद्धार गरी गण्डक चोक नजिकै रहेको बयोधा अस्पतालमा भर्ना गरिएको थियो ।
उनको उपचारको क्रममै राती नै मृत्यु भएको पर्साका प्रहरी नायब उपरिक्षक अनन्तराम शर्माले बताए ।
ठक्कर दिने बसलाई प्रहरीले नियन्त्रणमा लिएको छ भने बसका चालक फरार रहेका छन् । उनको खोजी भइरहेको प्रहरी नायब उपरीक्षक शर्माले बताए ।
वीरगंज संजाल
