महोत्तरी।महोत्तरीमा एक महिलाको बेवारिसे शव फेला परेको छ । शनिवार महोत्तरीको बर्दिवास नगरपालिका ८ बिजय बस्ती टोलमा रहेको मध्य पूर्वी पृतना काली सिद्धी गण भित्र एक महिलाको शव फेला परेको हो ।

मृतक महिलाको नाम थर खुलन सकेको छैन् । महिलाले कालो रङमा सेतो छिक्रे बुट्टा भएको कुर्ता, कालो सुरुवाल लगाएकी र कम्मरमा रातो शल बाँधेकी छिन् ।

अन्दाजी ३५ बर्षिकी जस्तो देखिने उनको शरीरका विभिन्न भागमा चोट लागेको साथै रत्तश्राव भएको अवस्थामा महिलाको शव शनिवार बिहानै नेपाली सेनाको टोली मोर्निङ वाक जाने क्रममा देखेपछि प्रहरीलाई खबर गरेकोको बर्दिवासका प्रहरी निरीक्षक असोक कुमार शाहले बताए । शव शंकास्पद अवस्थामा भएकाले अनुसन्धान भैरहेको प्रहरी निरीक्षक शाहले बातएका छन् ।