Krishna Shrivastav

मेष– सहयोगी वा हितैसी जनले तपाईंको कमजोरीप्रति टिप्पणी वा गुनासो गर्न सक्छन्, सचेत रहनुहोस्। अलि द्विविधामा परिने र निर्णायक क्षमतामा कमी आउने योग छ काममा केही प्रतिस्पर्धा गर्नुपर्ने देखिन्छ। शत्रुहरूको चलखेल बढ्नाले केही अप्ठ्यारोमा परिएला। चुनौती सामना गर्नुपर्ला। व्यापार तथा उद्योगतर्फ फाइदाको योग छ। वृष– आम्दानी बढ्ने र उठ्नुपर्ने रकम हातलागी हुने समय छ। कृषि तथा पशुपालनमा त्यति लाभ नभए पनि व्यापारमा प्रशस्त फाइदा हुने योग छ। गरेका कामबाट प्रशस्त लाभ हुनेछ। भूमि तथा मातृधनबाट लाभ मिल्नेछ। विगतका कमजोरीलाई सुधार गर्ने मौका छ। प्रयत्न गर्दा महत्वाकांक्षी योजना फलीभूत होलान्। मिथुन–

वीरगंज । आज माघ शुक्ल प्रतिपदाको दिन तामाङ समुदायले हर्षोल्लासपूर्वक सोनाम ल्होसार मनाउँदै छन् । भूमिपूजा, कूलपूजा एवम् दानदक्षिणा, ढोगभेट, नाचगान, मिठो परिकार बनाएर खाने र शुभकामना आदानप्रदान गरी यो पर्व मनाउने चलन छ । समुदायका सबै जना एकै ठाउँमा भेला भई सामूहिक रुपमा मनाइने यो पर्व देशका विभिन्न ठाउँमा बसोबास गर्ने तामाङसहित ह्योल्मो, थकाली, जिरेल, नेस्याङ्वा, भोटे, दुरा, लेप्चा लगायतले आ–आफ्नो परम्पराअनुसार मनाउँछन् । तामाङ समुदायको बाहुल्य रहेको बाग्मती प्रदेशका विभिन्न जिल्लामा यो पर्व विशेष रुपमा मनाइन्छ । काठमाण्डौको टुँडिखेल, बौद्ध, स्वयम्भू क्षेत्रमा आज विभिन्न सांस्कृतिक कार्यक्रम हुँदैछन् ।

वीरगंज। आसन्न संसद अधिवेशनमा आफ्‌नो प्रभावकारी उपस्थिति र प्रस्तुति बारेमा छलफल गर्न प्रमुख प्रतिपक्षी दल नेकपा (माओवादी केन्द्र)को संसदीय दलको बैठक आज बस्दैछ । सिंदरबारस्थित संसदीय दलको कार्यालयमा दिउँसो १ बजे बैठक बस्ने माओवादी केन्द्र संसदीय दलका प्रमुख सचेतक हितराज पाण्डेले जानकारी दिए । प्रमुख सचेतक पाण्डेका अनुसार बैठकमा मुख्यगरी शुक्रबारदेखि सुरू हुने संसद अधिवेशनबारे छलफल हुनेछ । संसदमा माओवादीको भूमिका लगायत सरकारले ल्याएको अध्यादेश, दर्ता भएका विधेयकका विभिन्न विषयमा समेत छलफल हुने प्रमुख सचेतक पाण्डेले जानकारी दिए । माओवादीले सरकारले संसद छलेर अध्यादेश ल्याउनु गलत भएको निष्कर्ष निकाल्दै संसद

वीरगंज। अमेरिकाको राजधानी वासिङ्टन डिसीमा एक यात्रुवाहक विमान र हेलिकप्टर ठोक्किएको छ। दुर्घटनापछि यात्रुवाहक विमान पोटोम्याक नदीमा खसेको छ। उक्त विमानमा ६० यात्रु र ४ चालक दलका सदस्यसहित ६४ जना सवार रहेका अमेरिकन एयरलाइन्सले जनाएको छ। वासिङ्टन अग्नि नियन्त्रण विभागका अनुसार बुधबार राति रोनाल्ड रेगन विमानस्थल नजिकै दुर्घटना भएको हो। दुर्घटना अमेरिकन एयरलाइन्सको सीआरजे७००० बम्बार्डियर जेट र अमेरिकी सेनाको ब्ल्याकहक (H-60) हेलिकप्टर ठोक्किएर भएको थियो। एयरलाइन्सका अनुसार सीआरजे७००० जेटमा ६५ सिट छन्। एयरलाइन्स कम्पनीले राति ९ बजेपछि दुर्घटना भएको पुष्टि गरेको बीबीसीमा उल्लेख छ। यो जेट क्यान्सस राज्यबाट राजधानी वाशिंगटन

वीरगञ्ज । भारतको उत्तर प्रदेश सरकारले कुम्भ मेलामा भागदौड हुँदा कम्तीमा ३० जनाको मृत्यु भएपछि न्यायिक छानबिनको आदेश दिएको छ । धार्मिक आस्थाको केन्द्र मानिने गङ्गा, यमुना, र पौराणिक सरस्वती नदी मिल्ने सङ्गम नदी नजिकै लाग्ने महाकुम्भ मेलामा करोडौँ हिन्दु भक्तजन त्रिवेणी सङ्गममा डुब्की लगाउन भेला हुने गरेका छन् । उत्तर प्रदेश राज्य सरकारका अधिकारीहरूले भागदौडका क्रममा ३० जनाको मृत्यु भएको पुष्टि गरेका छन् भने ६० जना घाइते भएका छन् । उत्तर प्रदेशका मुख्यमन्त्री योगी आदित्यनाथले घटनाको थप अनुसन्धान गर्नका लागि छुट्टै समिति गठन गर्ने घोषणा गरेका छन् । प्रत्यक्षदर्शीहरूले

वीरगंज | हाल देशमा पश्चिमी वायुको प्रभाव रहेको तथा कोशी र गण्डकी प्रदेशका पहाडी भागमा आंशिकदेखि साधारणतया बदली रही बाँकी भागमा मौसम सफा रहेको छ । तराईका धेरै स्थानमा हुस्सु लागेको जल तथा मौसम विज्ञान विभागले जनाएको छ । विभागका अनुसार आज दिउँसो कोशी, बागमती, गण्डकी र कर्णाली प्रदेशका पहाडी भू–भागमा आंशिकदेखि साधारणतया बदली रही बाँकी भागमा मौसम सफा रहनेछ । कोशी र गण्डकी प्रदेशका उच्च पहाडी तथा हिमाली भागका एक–दुई स्थानमा हल्का हिमपातको सम्भावना छ । त्यसैगरी आज राति देशका पहाडी भू–भागमा आंशिकदेखि साधारणतया बदली रही बाँकी भेगमा मौसम

वीरगंज | नेपाली आमाबाट जन्मेका सन्तानले बाबुको नामविना पनि नागरिकता प्राप्त गर्न सक्ने गरी सरकारले संशोधित विधेयक संसदमा दर्ता गराएको छ । गृह मन्त्रालयद्वारा तयार गरिएको सो विधेयक संसदमा दर्ता गरिएको जनाइएको छ । विधेयकमा नागरिकता प्राप्तिका लागि सम्बन्धित व्यक्तिले सम्बन्धित निकायमा निवेदन दिनुपर्ने हुन्छ । यस प्रक्रियाबाट जारी नागरिकताको प्रमाणपत्रमा बाबुको नाम, थर तथा ठेगाना उल्लेख गर्नुपर्ने स्थान खाली राखिने व्यवस्था गरिएको जनाइएको छ । नागरिकता ऐन, ०६३ लाई संशोधन गर्न बनेको विधेयकको दफा ४ को उपदफा १ मा भनिएको छ, ‘(१क) दफा ३ को उपदफा (५) बमोजिम दिइने

वीरगंज | अमेरिकाले १४ लाख भन्दा बढी आप्रवासीलाई उनीहरूकै देश फर्काउने भएको छ । अमेरिकाको इमिग्रेसन एण्ड कस्टम इनफोर्समेन्ट (आईईसी) ले सूची सार्वजनिक गर्दै तत्काल १३ सय ६५ नेपालीसहित १४ लाख ४५ हजार ५ सय ४९ जना अमेरिकाबाट निष्कासन गर्ने जनाएको हो । आईईसीको सूचीअनुसार अमेरिकाबाट फर्काइन लागेकाहरूमध्ये सबैभन्दा धेरै होन्डुरसका नागरिक छन् । होन्डुरसका २ लाख ६१ हजार ६ सय ५१ जना निष्कासनमा पर्नेछन् । त्यस्तै, ग्वाटेमालाका २ लाख ५३ हजार ४ सय १३, मेक्सिकोका २ लाख ५२ हजार ४४ र एल साल्भाडोरका २ लाख ३ हजार ८ सय

वीरगंज | पर्सा प्रहरीले विशेष सूचनाको आधारमा भन्सार छली गरी ल्याइएका विभिन्न सामान बरामद गरेको छ। प्रहरीले वीरगञ्जका विभिन्न स्थानमा गस्ती गर्दै ३ लाख ५ हजार रुपैयाँ बराबरका लत्ताकपडा, कुखुरा, पाडी तथा अन्य सामग्री नियन्त्रणमा लिएको हो। वडा प्रहरी कार्यालय श्रीपुरको टोलीले वीरगञ्जबाट कलैया जाँदै गरेको सार्वजनिक गाडी जाँच गर्ने क्रममा तीन पोका साडी फेला पारेको थियो, जसको अनुमानित मूल्य १ लाख ६० हजार रुपैयाँ रहेको छ। बरामद कपडा वीरगञ्ज भन्सार कार्यालयमा बुझाइएको छ। त्यस्तै, इलाका प्रहरी कार्यालय लगंडीको टोलीले भारतबाट नेपालतर्फ ल्याइँदै गरेको बीआर २२ ई ८७९७ नम्बरको मोटरसाइकलमा

पर्सा | Pariwartan Nepal Foundation द्वारा सहिद दिवसको अवसरमा वीर सहिदहरूको सम्मानमा दीप प्रज्वलन गर्दै श्रद्धाञ्जली अर्पण गरिएको छ। जिल्ला प्रहरी कार्यालय पर्साका प्रहरी नायब उपरीक्षक तथा जिल्ला ट्राफिक कार्यालय पर्साका प्रमुख प्रहरी निरीक्षकको उपस्थितिमा कार्यक्रम सम्पन्न भएको हो। कार्यक्रममा सहभागीहरूले “वीर सहिद अमर रहुन” भन्ने नारा घन्काउँदै सहिदहरूले लोकतन्त्र, स्वतन्त्रता, र न्यायका लागि पुर्‍याएको योगदानको स्मरण गरे। कार्यक्रममा नेपालका चार महान् सहिदहरू शुक्लराज शास्त्री, धर्मभक्त माथेमा, गंगालाल श्रेष्ठ, र दशरथ चन्द को तस्वीर प्रदर्शन गर्दै श्रद्धाञ्जली अर्पण गरिएको थियो। सहिदहरूलाई सम्मान गर्दै “हुँदैन बिहान भिमभिमेमा तारा झरेरै नगएको, बन्दैन

पर्सा । जनमत पार्टी, पर्साको लोककल्याणकारी अभियान अन्तर्गत आज जगरनाथपुर गाउँपालिका–२, लक्ष्मीपुरमा ११औं निःशुल्क आँखा शिविर सम्पन्न भएको छ। शिविरमा उत्साहजनक सहभागिता देखिएको छ, जसअन्तर्गत १७६ जना महिला तथा पुरुषले आँखा परीक्षण गराएका छन्। शिविरमा परीक्षण गरिएका मध्ये ६३ जनामा मोतिबिन्दु रोग पत्ता लागेको छ। उनीहरूको शल्यक्रिया वीरगन्ज सामुदायिक आँखा केन्द्रमा निःशुल्क रूपमा गरिने छ। जनमत पार्टीका जिल्ला अध्यक्ष ओमप्रकाश सरार्फले जनताको स्वास्थ्य सुधारका लागि पार्टीले विभिन्न सामाजिक अभियानलाई निरन्तरता दिने बताए। यो अभियानबाट हालसम्म १,२६३ भन्दा बढी स्थानीय बासिन्दा लाभान्वित भइसकेका छन् भने ३०० भन्दा बढीको मोतियाबिन्दुको शल्यक्रिया सफलता

वीरगञ्ज । पाठेघरको मुखको क्यान्सर रोकथामका लागि प्रभावकारी मानिएको एचपीभी (ह्युमन पापिलोमा भाइरस) खोप अभियान पर्सा जिल्लामा माघ २२ गतेदेखि सुरु हुने भएको छ । स्वास्थ्य कार्यालय पर्साका अनुसार, फागुन ६ गतेसम्म सञ्चालन हुने यस अभियान अन्तर्गत जिल्लाका १४ वटै पालिकाका ३८ हजार ५५७ बालिका तथा किशोरीलाई खोप लगाइनेछ । विद्यालयमा अध्ययनरत कक्षा ६ देखि १० सम्मका छात्रा तथा विद्यालय बाहिर रहेका १० देखि १४ वर्ष उमेर समूहका किशोरीलाई लक्षित गरिएको छ । खोप पाठेघरको मुखको क्यान्सरको प्रमुख कारक मानिएको एचपीभी भाइरसको सङ्क्रमण रोक्नका लागि दिइने भएकाले विशेष रूपमा किशोरी

वीरगंज । नवलपरासी (बर्दघाट सुस्तापूर्व) को त्रिवेणीधाममा माघे औँसी स्नान गर्न हजारौँ श्रद्धालुको घुइँचो लागेको छ। बिहान अरुणोदय अगावैदेखि त्रिवेणीधाममा श्रद्धालुहरूको चहलपहल बढेको हो। मेला भर्न नेपालका विभिन्न स्थान र भारतको विहार तथा उत्तर प्रदेशबाट भक्तजन आएका छन् । माघे औँसीका दिन नवलपरासी (बर्दघाट सुस्तापूर्व)को विनयी त्रिवेणीधाममा स्नान गरेर सूर्यको आराधना गरेमा चिताएका पूरा हुने तथा पितृहरुले मोक्ष प्राप्त गर्ने जनविश्वास छ। मेलालाई व्यवस्थित गर्न विनयी त्रिवेणी गाउँपालिका-६ का वडाध्यक्ष नुरेन्द्र शाहको संयोजकत्वमा गठित उपसमितिले आवश्यक व्यवस्था गरेको तथा सशस्त्र प्रहरी बलसहितको सुरक्षाकर्मीको टोली परिचालन गरेको छ। ‘स्वर्ण भद्रा, पूर्णभद्रा

वीरगंज । क्यानडामा रोजगारीको अवसर भन्दै सामाजिक सञ्जालमा राखिएको विज्ञापनको भर पर्दा विराटनगर महानगरपलिका–११ का महेशकुमार चौधरी र उनका छोरा युपेशकुमार चौधरी ठगिएका छन् । सामाजिक सञ्जाल मार्फत जोडिएको गिरोहले बाबुछोरालाई नै क्यानडा पठाइदिने भन्दै ६६ लाख ६७ हजार रूपैयाँ ठगी गरेको हो । ठगिएको थाहा पाएपछि उनीहरुले प्रहरीमा उजुरी गरेका थिए । मोरङ प्रहरीले ठगी गर्ने गिरोहका एक भारतीय नागरिकसहित ५ जनालाई पक्राउ गरेको छ । यो समूहले भिसा लाग्यो भन्दै विभिन्न व्यक्तिहरुको बैंक खातामा पैसा पठाउन लगाएर ठगी गरेको देखिएको प्रहरीले जनाएको छ । मोरङ प्रहरीका प्रवक्ता डीएसपी

सर्लाही । सर्लाहीको लालबन्दी नगरपालिका–१५ को चुरे क्षेत्रमा बस दुर्घटनामा परेको छ। सर्लाही र सिन्धुलीको सीमा क्षेत्रमा पर्ने चुरेमा मंगलबार साँझ बस दुर्घटनामा परे पनि कुनै मानवीय क्षति भने नभएको इलाका प्रहरी कार्यालय लालबन्दीका प्रहरी निरीक्षक सुजन पाठकले जानकारी दिए । ‘लालबन्दीबाट १२ जना यात्रु लिएर सिन्धुलीको मरिण कपिलाकोटतर्फ जाँदै गरेको बा २ ख ६४३३ नम्बरको बस बिपरित दिशाबाट आउँदै गरेको जन्ती बोकेको अर्को बसलाई साइट दिने क्रममा चिप्लिएर सडकबाट झण्डै १० मिटर तल खसेको हो,’ इन्सपेक्टर पाठकले नेपालखबरसँग भने, ‘दुर्घटनामा बस चालकलाई सामान्य चोट लागे पनि अरु यात्रु सुरक्षित

वीरगञ्ज । सरकारले नेपाल प्रहरीसम्बन्धी कानुनलाई संशोधन तथा एकीकरण गर्न तयार पारेको नयाँ विधेयक प्रतिनिधिसभामा दर्ता गरेको छ । गृहमन्त्री रमेश लेखकले मङ्गलवार विधेयक प्रतिनिधिसभामा दर्ता गराएका हुन् । यसअघि प्रहरीमा ३० वर्षे सेवा अवधि थियो । विधेयकमा सेवा अवधि हटाइएको छ । प्रहरीमा पहिले ३२ र पछि ३० वर्षे सेवा अवधि लागू गरिएको थियो । अब उमेर हद र पदावधि अनुसार प्रहरीमा तल्लोदेखि माथिल्लो दर्जासम्म अवकाशको प्रावधान बनाइने भएको छ । प्रस्तावित विधेयक अनुसार प्रहरी निरीक्षक (इन्स्पेक्टर) पदका लागि आवेदन दिन सकिने उमेरसमेत बढाइएको छ । अहिले इन्स्पेक्टर पदका

वीरगञ्ज । सुनको मूल्य बुधवार तोलामा १ हजार ४०० रुपैयाँ बढेको छ । नेपाल सुनचाँदी व्यवसायी महासङ्घका अनुसार मङ्गलवारको तुलनामा छापावाल सुनको मूल्य तोलामा १ हजार ४०० रुपैयाँ बढेर १ लाख ६० हजार ६०० रुपैयाँ पुगेको हो । अघिल्लो छापावाल सुन तोलामा १ लाख ५९ हजार २०० रुपैयाँ कायम भएको थियो । यसै गरी चाँदीको मूल्य पनि बढेको छ । मङ्गलवार तोलामा १ हजार ८३५ रुपैयाँ कायम भएको चाँदीको मूल्य बुधवार बढेर तोलामा १ हजार ८५५ रुपैयाँ कायम भएको महासङ्घले जनाएको छ ।

वीरगंज | सहिद दिवसकाे अवसरमा नेपाली कांग्रेसले वीरगन्जमा १० जना अग्रजहरुलाई सम्मानित गरेकाे छ।वीरगन्ज-१४ गण्डक चाेकमा अवस्थित सहिद तेजबहादुर अमात्यकाे शालिक परिसरमा बुधबार नेपाली कांग्रेसको क्षेत्रीय कार्यसमितिले आयाेजना गरेकाे कार्यक्रममा लोकतन्त्र, मानव अधिकार र समाज सेवामा महत्वपूर्ण योगदान पुर्‍याएका १० जना व्यक्तिहरूलाई सम्मानित गरेकोे हाे। कार्यक्रममा मधेस प्रदेशका कृषि मन्त्री जनार्दन सिंह क्षेत्रीले नगेन्द्र पटेल, याकुब अन्सारी, लालबहादुर राउत कुर्मी, शान्ति कार्की, लक्ष्मण प्रसाद कुर्मी, लाल महमद मियाँ, जमिला खातुन, पार्वती देवी, नेत्र बहादुर केसी र हिराकान्त चौधरीलाई दाेशल्ला ओढाएर सम्मानित गरे। कांग्रेसका क्षेत्रीय सभापति मोहम्‍मद सहाबुदिनको अध्यक्षता तथा मन्त्री