Krishna Shrivastav

वीरगंज । अफगानिस्तानमा महिला शिक्षाको क्षेत्रमा अभियान चलाइरहेका एक अभियन्तालाई तालिबानी सरकारले पक्राउ गरेको छ । ३० वर्षीय मातिउल्लाह वेसालाई तालिबानी सरकारले पक्राउ गरेको हो । उनले केही समयदेखि अफगानिस्तानका ग्रामीण भेगमा पुगेर महिला शिक्षाका लागि अभियान चलाइरहेका छन् । उनी ‘पेनपथ’ नामक मानव अधिकार तथा महिला शिक्षा अभियान चलाइरहेको संस्थाका संस्थापक तथा अध्यक्षसमेत हुन् । अफगानिस्तानमा महिलाका साथै किशोरीहरूलाई समेत विश्वविद्यालय तथा विद्यालय प्रवेशमा निषेध गरिएको छ । गत फेब्रुअरीमा प्राध्यापक इस्माइल मशाललाई पनि राजधानी काबुलबाट पक्राउ गरिएको थियो । उनी शिक्षामा महिलाको अधिकारमाथि लगाइएको बन्देजको खरो आलोचकसमेत हुन्

वीरगंज । वार्षिक एक लाख रुपैयाँसम्म कारोबार गर्ने मर्चेण्टलाई सरलिकृत ग्राहक पहिचान (सरल केवाईसी) लागू गर्न राष्ट्र बैंकले निर्देशन दिएको छ । अनुमतिप्राप्त भुक्तानी सेवा प्रदायकलाई राष्ट्र बैंकले परिपत्र जारी गर्दै मंगलबार उक्त निर्देशन दिएको हो । राष्ट्र बैंकको भुक्तानी विभागले परिपत्र जारी गरेर बैंक तथा वित्तीय संस्था बाहेकका संस्थालाई जारी सम्पत्ति शुद्धीकरण तथा आतंकवादी कार्यमा वित्तीय लगानी निवारण सम्बन्धी व्यवस्था परिमार्जन गर्दै नयाँ निर्देशन जारी गरेको हो ।‘अनुमति प्राप्त संस्थाले सम्पत्ति शुद्धीकारण निवारण ऐन २०६४ को दफा ७ च तथा सम्पत्ति शुद्धीकरण नियमावली ०७३को नियम ९ बमोजिम वार्षिक एक

वीरगंज । विदेशमा रहेका नेपाली श्रमिकले बुधबारदेखि निःशुल्क ‘टेलिमेडिसिन’ सेवा पाउने भएका छन् । वैदेशिक रोजगार बोर्डले विदेशमा रहेका नेपालीको स्वास्थ्यसम्बन्धी समस्या समाधानका लागि यो सेवा सुरु गर्न लागेको हो । यो सेवामार्फत विदेशी भूमिमा रहेका श्रमिकले टेलिफोनमार्फत आफ्नो स्वास्थ्यको समस्या तथा समाधानको उपायबारे चिकित्सकहरुमार्फत जानकारी पाउने छन् । बोर्डका सूचना अधिकृत राजन पौडेलका अनुसार वैदेशिक रोजगारमा रहेकाले मोबाइल नम्बर ९८५१३४५७०१ र ९८५१३४५७०२ को भाइबर, हृवाट्सएप र इमेल वा सामाजिक सञ्जालबाट फोन गरी टेलिमेडिसिन सेवा लिन सक्नेछन् । टेलिमेडिसिन सेवा बुधबार (चैत १५ गते) बिहान १० बजेदेखि सुरु हुनेछ ।

वीरगंज । लागुऔषध गाँजा भारततिर तस्करी गर्ने गिरोहलाई प्रहरीले मोरङको रंगेलीबाट पक्राउ गरेको छ । नेपालमा अवैध हिसाबले उत्पादन हुँदै आएको गाँजा सामूहिक रूपमा भारततिर लैजाँदै गर्दा प्रहरीले फेला पारी गिरोहलाई नियन्त्रणमा लिएको हो । मंगलबार बिहान ठूलो परिणामको गाँजासहित ५ जनालाई प्रहरीले पक्राउ गरेको छ । पक्राउ पर्नेमा ४ जना भारतीय र १ जना नेपाली नागरिक छन् । गिरोहलाई नियन्त्रणमा लिएको प्रहरीले २ सय ३४ किलोग्राम गाँजासमेत बरामद गरेको छ । विशेष सूचनाका आधारमा इलाका प्रहरी कार्यालय रंगेली र प्रहरी चौकी अमाहीवरियातीबाट खटिएको टोलीले बिहानका राति १:३० बजेतिर सामूहिक

रामेछाप । रामेछापको गोकुलगङ्गा गाउँपालिका–४ बेतालीमा ८२ वर्षीय वृद्धको खुकुरी प्रहार गरी हत्या भएको छ। बेतालीको लिसेखानी टोलमा बस्दै आएका शमशेरबहादुर थापामगरको गए राति हत्या भएको हो। खुकुरी प्रहारबाट घाइते भएका थापामगरलाई उपचारका लागि जिल्ला सदरमुकाम मन्थली ल्याउँदै गर्दा अत्याधिक रक्तस्रावका कारण बाटोमै मृत्यु भएको जिल्ला प्रहरी कार्यालयले जनाएको छ। दुई नातिनीसहित घरमा बसिरहेको अवस्थामा अज्ञात व्यक्तिले थापामगरमाथि खुकुरी प्रहार गरी भागेको गोकुलगङ्गा–४ का वडाध्यक्ष रामचन्द्र बस्नेतले जानकारी दिए। खुकुरी प्रहारबाट उनको टाउकोमा गहीरो चोट लागेको थियो। श्रीमती केही दिनअघि बिरामी भएर उपचारका लागि काठमाडौं गएकाले वृद्ध दुई नातिनीका साथ

वीरगंज । बर्दिवासदेखि हेटौंडा हुँदै काठमाडौंसम्म पैदलै आएका मिटरब्याज पीडितहरुले मंगलबार काठमाडौंको माइतिघरमा धर्ना दिएका छन् । प्रधानमन्त्री निवास बालुवाटारमा धर्ना दिन जाने क्रममा टंगालमा रोकिएपछि उनीहरुले त्यहाबाट फर्केर माइतिघरमा धर्ना दिएका हुन् । प्रदर्शनमा सहभागीहरुले मिटर व्याजर विरुद्ध काून निर्माण गर, झुटा मुद्धामा गिरफ्तार गरिएका पिडितलाई रिहा गर, मिटर व्याज विरुद्ध कानून निर्माण गर, सहुलियत दरमा ऋणको व्यवस्था गर, पिडितलाई न्याय दे लगाएतका प्लेकार्ड प्रदर्शन गरेका थिए । मिटरब्याज पीडितहरु माइतिघरमा धर्नामा बस्न सुरु गरेपछि बिभिन्न संघ संस्था तथा दलका नेताहरु ऐकवद्धता जनाउन पुगेका छन् । सो क्रममा मिटर

वीरगंज । ११ दिनसम्म पैदलै हिँडेर काठमाडौं आएका मिटरब्याज पीडितहरूले प्रधानमन्त्रीसँग आफ्ना समस्याहरू सुनाउन चाहेको बताएका छन् । उनीहरूलाई भेट्न पुगेको गृह मन्त्रालयका सहसचिव केदारनाथ शर्मासहितको टोलीलाई काठमाडौंको सडकमा संघर्षरत मिटर ब्याजपीडितहरूले प्रधानमन्त्रीलाई भेटाउन माग गरे । उनीहरूसँग वार्ता गर्न र समस्याबारे बुझ्न गएको गृह मन्त्रालयका प्रशासन महाशाखा प्रमुख शर्मा र काठमाडौंका प्रमुख जिल्ला अधिकारी घनश्याम उपाध्यायसहितको टोली सामान्य भेटघाट र कुराकानीपछि फर्किएको छ । सहसचिव शर्माले पीडितका समस्या र गुनासाहरू प्रधानमन्त्रीसम्म पुर्‍याउने र यथासिघ्र समस्या समाधानका लागि पहल गर्ने प्रतिवद्धता जनाएका छन् । टोलीले आन्दोलन फिर्ता गर्न समेत आग्रह

वीरगंज । कोशी प्रदेश पुन: नामांकन संयुक्त संघर्ष समितिले ताप्लेजुङका गाउँपालिका तथा नगरपालिकामा तालाबन्दी गरेका छन् । फक्ताङलुङ गाउँपालिका र फुङलिङ नगरपालिकाको प्रवेशद्वारमा तालाबन्दी गरिएको छ । अन्य स्थानीय तह र वडा कायालयमा पनि तालाबन्दी गरिएको संघर्ष समितिको दाबी छ । प्रहरीसँगको झडपको क्रममा घाइते भएका पदम लिम्बू लाजेहाडलाई सहिद घोषणा गर्नुपर्ने, कोशी प्रदेश खारेज गरी पहिचानको आधारमा पुनः नामकरण गर्नुपर्ने लगायतका माग गर्दै स्थानीय तहमा तालाबन्दी गरेका हुन् । संघर्ष समितिले चैत १४ देखि १७ गतेसम्म प्रदेशभरिका स्थानीय तहका कामकाज ठप्प गराउने घोषणा यस अघि नै गरेको थियो । संघर्ष समितिले प्रदेशका गाउँपालिकामा १७

वीरगंज । पूजाको प्रसाद खाँदा सल्यानमा एकै गाउँका झन्डै २ सय जना बिरामी परेका छन् । जिल्लाको बाग्चौर नगरपालिका–५ धारापानीस्थित बाहुनठानामा प्रेमबहादुर खत्रीको घरमा लगाइएको सत्यनारायणको पूजाको प्रसाद खाँदा झन्डै दुई सय जना बिरामी भएका हुन् । पूजाको प्रसाद खाँदा बिरामी परेकाको उपचार गर्दै स्वास्थ्यकर्मी । बिरामी भएकामा झाडापखाला, पेट दुख्ने, चक्कर लाग्ने, ग्यास बढ्ने समस्या देखिएको थियो । ‘फुड प्वाइजन’का कारण स्थानीय बिरामी परेको स्थानीय स्वास्थ्य संस्थाका स्वास्थ्यकर्मी भुवन पुनले बताए । फुड प्वाइजनका कारण बालबालिका, बढाबूढी तथा वयस्क सबै प्रभावित भएको उनले जानकारी दिए ।उनका अनुसार बिरामी परेकालाई

वीरगंज । नेपाली युवतीहरूलाई भारतमा बेचबिखन गरी वेश्यावृत्तिमा लगाएको आरोपमा मानव बेचबिखन अनुसन्धान ब्युरोले तीन जनालाई पक्राउ गरेको छ । प्रहरीका अनुसार पक्राउ पर्नेहरुमा मकवानपुर भिमफेदी–९ की २० वर्षीया सेन्जी भनिने सम्झना तामाङ, धादिङ धुनिबेंशी नगरपालिका–२ का २५ वर्षीय भुवन तामाङ र उनकी श्रीमती २० वर्षीया सुष्मा मगराती छन् । ब्युरोका प्रवक्ता एसपी कृष्णप्रसाद पंगेनीका अनुसार उनीहरूले काठमाडौं माछापोखरी, बसपार्कलगायतका स्थानहरुमा मनोरञ्जन क्षेत्रमा काम गर्ने युवतीहरुलाई सम्पर्क गरी प्रलोभनमा पारेर नेपालगञ्ज हुँदै जमुनाहा नाका पार गराएर भारतको दिल्ली पुर्‍याई जबरजस्ती वेश्यावृत्तिमा लगाएको पाइएको छ । उनीहरूले होटल, रेस्टुरेन्ट, फेन्सी पसलमा