Krishna Shrivastav

वीरगञ्ज । प्रहरीले आइतबार एकै दिन लागूऔषधसहित पाँच जनालाई मकवानपुरबाट पक्राउ गरेको छ । हेटौँडा उपमहानगरपालिका – १५ चुरिया माई पिपल चौताराबाट १० किलोग्राम गाँजा सहित भारत मोतिहारी थानाआधापुर पोस्ट ग्राम औरया जमुनाभर बस्ने २२ वर्षीय सदुला अन्सारी र भारतको मिर्जापुर बस्ने २४ वर्षीय रजनिस सिंहलाई प्रहरीले पक्राउ गरेको छ । चितवनबाट वीरगञ्ज तर्फ आउँदै गरेको ना.६ ख.६७५४ नम्बरको बसमा सवार अन्सारी र सिंहको झोलाबाट प्रहरीले ५/५ किलो गाँजा बरामद भएको जिल्ला प्रहरी कार्यालय मकवानपुरले जनाएको छ । त्यस्तै हेटौँडा उपमहानगरपालिका – १५ रातोमाटे चेक पोइन्टबाट ९ किलोग्राम लागूऔषध गाँजा

वीरगञ्ज । नेपाल कम्यु्निष्ट माओवादी केन्द्र बाराले बाल एकता बोडिङ स्कुलका प्रधानाध्यापक रुपेश स्वर्णकार हत्याकाण्डको छानविन गरि सत्यतथ्य पत्ता लगाई अपराधीलाई कारवाही गर्नुपर्ने माग गरेको छ ।बुधबार एक प्रेस विज्ञप्ती जारी गर्दै नेकपा माओवादी केन्द्र बाराले कात्तिक १३ गते स्वर्णकारको कायरतापूर्ण ढंगले दिउँसै गोली हानी हत्या गरिएको भन्दै उक्त घटनाप्रति घोर भत्सर्ना गरेको जनाएको छ । नेकपा माओवादी केन्द्रका बारा जिल्ला अभियान संयोजक प्रल्हाद बुढाथोकीले यथाशिघ्र घटनाको सत्यतथ्य छानविन गरि अपराधीलाई कडा कारवाही गर्न माग गर्नुभएको छ । विज्ञप्तीमार्फत मृतक स्वर्णकारप्रति भावपूर्ण श्रद्धान्जली व्यक्त गर्दै शोक सन्तप्त परिवारजनमा समवेदना समेत

वीरगन्ज, । अहमदिया संघ नेपालले गत शुक्राबर गएको भूकम्पबाट पिडितहरुलाई दुई दिनदेखि खाना खुवाउनुका साथै राहत सामग्री सहयोगपनि गरिरहेको छ ।जाजरकोटमा भूकम्पप्रभावित क्षेत्रमा घरबाहरविििहन भएका पिडितहरुलाई दुई दिनदेखि खाना पकाएर खुवाउनुका साथै पिडितहरुतलाई राहत सामग्री स्वरुप लत्ता कपडा, त्रिपाल, खाद्यान्न समेत वितरण गरेको अहमदिया संघ नेपालले जनाएको छ । अहमदीया संघ नेपालको युवा समूहका नईमुदिन अहमद र उपाध्यक्ष हिजकील अहमदको नेतृत्वमा जाजरकोटमा राहत सामग्री वितरण गरिएको संघले जनाएको छ ।भूकम्प क्षेत्रमा गत शनिबारदेखि पुगेर जनश्रमदानपनि गरिएको युवा संघका उपाध्यक्ष हिजकील अहमदले बताए ।

आईसीसी एकदिवसीय विश्वकप क्रिकेटमा अष्ट्रेलियाले अफगानिस्तानलाई ३ विकेटले हराएको छ। गएराति अफगानिस्तानले दिएको २९२ रनको लक्ष्य अष्ट्रेलियाले ४६ ओभर ५ बलमा ७ विकेट गुमाएर पूरा गरेको हो। अष्ट्रेलियाका ग्लेन म्याक्सवेलले दोहोरो शतकीय पारी खेले। उनले २०१ रन बनाए । १२८ बलको सामना गरेका म्याक्सवेलले १० छक्का र २१ चौका प्रहार गरे। जितसँगै अस्ट्रेलियाले विश्वकप क्रिकेटको सेमिफाइनलमा स्थान बनाएको छ। पहिलो स्थानमा रहेर भारत र दोस्रो स्थानमा रहेर दक्षिण अफ्रिकाले सेमिफाइनलमा स्थान बनाइसकेका छन्। चौथो स्थानका लागि न्युजिल्याण्ड, पाकिस्तान र अफगानिस्तानबीच प्रतिस्पर्धा हुनेछ।

काठमाडौं पूर्वसभामुख एवम् नेकपा माओवादी केन्द्रका उपाध्यक्ष अग्नि सापकोटाविरुद्धको मुद्दामा करिब ८ महिनापछि सर्वोच्च अदालतको संवैधानिक इजलासमा पेसी तोकिएको छ। उक्त मुद्दामा २०७९ फागुन ३ गते अन्तिमपटक संवैधानिक इजलासमा पेसी तोकिएको थियो। त्यसपछि साधारण तारेख मात्र तोकिएको मुद्दाको पेसी बुधबार प्रधानन्यायाधीशसहित ५ न्यायाधीशको संवैधानिक इजलासमा तोकिएको हो। काभ्रेका अर्जुन लामाको हत्या प्रकरणमा सापकोटामाथि अनुसन्धान हुनुपर्ने माग गर्दै दायर भएको मुद्दा ११ वर्षभन्दा लामो समयदेखि सर्वोच्चमा विचाराधीन रहेको छ। बुधबार उक्त मुद्दाको पेसी प्रधानन्यायाधीश विश्वभरप्रसाद श्रेष्ठ, ईश्वरप्रसाद खतिवडा, आनन्दमोहन भट्टराई, प्रकाशमानसिंह राउत र सपना प्रधान मल्लको इजलासमा रहेको छ। क्रमसंख्याअनुसार उक्त

काठमाडौं प्रमुख प्रतिपक्षी दल नेकपा एमालेले आज (बुधबार) सचिवालय बैठक डाकेको छ। बैठक मध्याह्न १२:४५ बजे सुरु हुने एमालेले जनाएको छ। ललितपुरको च्यासलस्थित पार्टी मुख्यालयमा बस्ने बैठकमा हालै कर्णाली प्रदेशमा गएको भूकम्प, भूकम्पपछि उद्धार तथा राहत र भूकम्पपीडितको न:स्थापनाका विषयमा पार्टीको धारणा बनाउनेबारे छलफल हुने जनाएको छ। बैठकमा पार्टीले सञ्चालन गर्न थालेको ‘मध्यपहाडी लोकमार्ग पदयात्रा’ अभियानलगायत विषयमा पनि छलफल हुने एमाले प्रचार विभाग प्रमुख राजेन्द्र गौतमले जानकारी दिएका छन्।

वीरगंज । जाजरकोट भूकम्पका प्रभावितलाई सहयोगका लागि संस्कृति, पर्यटन तथा नागरिक उड्डयन मन्त्रालय अन्तर्गतका विभिन्न संघ संस्थाहरूले ४ करोड भन्दाबढी रकम संकलन गरेका छन्। संकलित रकम प्रधानमन्त्री दैवी प्रकोप राहत कोषमा जम्मा गरिएको छ। बुधबार बिहान बालुवाटारमा पर्यटनमन्त्री सुदन किरातीको नेतृत्वमा आएको प्रतिनिधिमण्डलले प्रधानमन्त्री पुष्पकमल दाहाल ‘प्रचण्ड’ लाई भेटेर सहयोग रकम हस्तान्तरण गरेको छ। यसरी सहयोग गर्नेहरुमा नागरिक उड्डयन प्राधिकरण, नेपाल वायु सेवा निगम, पर्यटन बोर्ड, पशुपति क्षेत्र विकास कोष, नेपाल पर्वतारोहण संघ, लुम्बिनी विकास कोष रहेका छन्। यस्तै, गोरखा ब्रुअरी प्रालिले पनि राहत कोषमा १ करोड सहयोग रकम जम्मा