वीरगंज । मधेस बिश्वबिधालयको आयोजनामा मधेस बिश्वबिधालयको रणनीतिक योजना तर्जुमा सम्बन्धि वृहत अन्तरक्रिया कार्यक्रम सम्पन्न भएको छ । वीरगंज वडा न.१२ स्थित वीरगंज पब्लिक कलेजको नया सभाहलमा भएको अन्तरक्रिया कार्यक्रममा मधेस बिश्वबिधालयको आफ्नो प्रस्तावनामा कला , बिज्ञान , चिकित्साशास्त्र , पर्यटन , आयुर्वेद , कानुन , व्यवस्थापन , शिक्षा , प्राच्य दर्शन , प्राबिधिक , व्यावसायिक तथा अन्य बिषयमा अध्ययन , अध्यापन र अनुसन्धानद्वारा गुणात्मक र स्तरयुक्त उच्च शिक्षाको अवसर जनतालाई सर्वसुलभ रुपमा उपलब्ध गराईने छ ।

राष्ट्रको सर्वाङ्गिण बिकासमा दक्ष जनशक्तिको आपूर्ति गर्न र बिश्वबिधालयको अवधारणा अनुरुप प्रतिस्पर्धाको आधारमा उच्च शिक्षाको गुणस्तरमा अभिवुद्वि गर्दै शैक्षिक तथा प्राज्ञिक वातावरणलाई अझ बढी स्वच्छ , मर्यादित र उपलब्धिमुलक बनाउन यस मधेसमा मधेस बिश्वबिधालयको स्थापना र सन्चालन गर्ने सम्बन्धमा आवस्यक व्यवस्था गर्ने वाच्छ्निय भएकोले मधेस प्रदेशको प्रदेश सभाले यो ऎन बनाएको छ ।

मधेस बिश्वबिधालय सुरु हुनु अघि बिश्वबिधालयको रणनीति योजना सम्बन्धि २२ वटा सुझाव सम्बन्धि प्रश्न सोधिएको थियो , त्यो प्रश्नको उत्तर सबै पेशा सम्बन्धि व्यक्तिले दिने छ र यसैको आधारमा सुझावलाई समेटेर अगाडि बढने कार्यक्रममा जानकारी गराईएको थियो ।