वीरगंज । सशस्त्र प्रहरीले वीरगञ्जबाट भन्सार छलीका सामग्री नियन्त्रणमा लिएको छ । सशस्त्र प्रहरी बल गुल्म वीरगञ्जका प्रमुख सशस्त्र प्रहरी उपरीक्षक (डिएसपी) रामजंग पाण्डे नेतृत्वको टोलीले २ लाख ५९ हजार भन्दा बढी मूल्य बराबरको सामग्री नियन्त्रणमा लिएको हो ।
वीरगञ्ज महानगरपालिका वडा नम्बर १६ भन्सारस्थित चेकप्वाइन्ट तथा अन्य विभिन्न स्थानबाट भन्सार छलीका लत्ताकपडा, स्पिकर बोर्ड लगायतका सामग्री नियन्त्रणमा लिएको डिएसपी पाण्डेले बताए । पाण्डेकाअनुसार बरामद सामग्रीलाई आवश्यक कारवाहीका लागि वीरगञ्ज भन्सार कार्यालयमा बुझाइएको छ ।
भन्सार क्षेत्रमा अवैध रुपमा भन्सार छलेर सामग्री ल्याउने क्रमलाई न्यूनिकरण गर्नका लागि सशस्त्र प्रहरीले कुनै कसर बाँकी नराखेको पाण्डेले दाबी गरे । डिएसपी पाण्डे नेतृत्वकै टोलीले यसअघि मात्रै २५ लाख बराबरको सामग्री बरामद गरेको थियो । संभाल : यात्रा डेली
