वीरगंज । अमेरिकाको टेक्सास राज्यको पश्चिमी क्षेत्रमा रहेको एक डेरी फार्ममा विष्फोट हुँदा १८ हजार गाईको मृत्यु भएको छ ।

यो अमेरिकाको फार्ममा लागेको अहिलेसम्मकै ठूलो आगलागी भएको बताइएको छ । यस हप्ताको सुरुमा डिमिट सहर नजिकै रहेको साउथ फोर्क डेरीमा विस्फोट भएको थियो। विष्फोटमा एकजना घाइते भएको पनि बताइएको छ ।

डेरी फार्मको मेसिनरीबाट निस्केको मिथेन ग्यासले आगलागी भएको हुनसक्ने अधिकारीहरुको अनुमान छ । क्यास्ट्रो काउन्टी शेरिफको कार्यालयले विस्फोटको तस्बिरहरू साझा गरेको छ, जसमा फार्मबाट धुवाँको ठूलो मुस्लो उठेको देखिन्छ। आगलागी र धुवाँमा निसास्सिएर कति गाईको मृत्यु भयो भन्ने यकिन संख्या थाहा नभएको तर १८ हजार गाईवस्तु बेपत्ता रहेको बीबीसी समाचारमा उल्लेख छ ।