वीरगंज । वीरगन्ज महानगर पालिका वडा नम्बर ५ मा महिलाहरुलाई आत्मनिर्भर बनाउन सन्चालित एक महिने सिपमुलक तालिम मंगलबार सकिएकाे छ । वडा नम्बर ५ काे वडा कार्यलय र आमा समुहकाे सहयाेगमा नेपाल सीप विकास केन्द्रले सन्चालन गरेकाे एक महिने तालिम मंगलबार सकिएकाे हाे ।सीप सिकाैं ,राेजगार बनाैं भन्ने उदेश्यले सन्चालित तालिममा सहभागी २५ जना महिलाहरुलाई सरफ, साबुन र हार्पिक बनाउने सीप सिकाइएकाे थियाे ।
मंगलबार आयाेजित तालिमको समापन समाराेहमा तालिममा सहभागी महिलाहरुलाई प्रमाणपत्र वितरण गर्दै प्रमुख अतिथि मेयरका प्रेस सल्लाहकार महेश दासले सरफ , झोल साबुन र हार्पिक सबैको घरघरमा आवश्यक पर्ने सामान भएकाले व्यवसायिक रुपमा अघि बढन तालिम लिएका महिलाहरुलाइ सुझाव दिए ।
वडाध्यक्ष प्रदिप चौरसियाले महिलालाई स्वरोजगार र आत्मनिर्भर बनाउन सिपमुलक तालिम निरन्तर आयोजना गर्ने बताए । समापन कार्यक्रममा वडा सदस्यहरु मनोज साह, मन्जु परियार,सन्जु दाहाल , वडा सचिव अरुण कुमार बस्नेत , आमा समुहकी अध्यक्ष जुली श्रेष्ठ र प्रशिक्षक विपीन कुमार उपाध्यायले पनि मन्तव्य व्यक्त गरेका थिए ।
