वीरगंज । प्रहरी महानिरीक्षक (आइजीपी) धीरजप्रताप सिंहसँगै ९ जना प्रहरी उच्च अधिकारीहरु प्हरी सेवाबाट बाहिरिँदै छन् । अवकास हुँदा उनीसँगै तीन एआइजी पनि अनिवार्य अवकासमा जाँदै छन् । सिंहकै ब्याची एआइजीत्रय सहकुलबहादुर थापा, उत्तमराज सुवेदी र दिवेश लोहनी अबकासमा जाँदै छन् । उनीहरु सबैको कार्यकाल आज राती १२ बजेसम्म मात्रै छ ।

हाल बढुवा भएका एआइजी मध्ये एक जना महानिरीक्षकमा पदोन्नति भएपछि १० गते रातीपछि त्यो पदसहित गरेर चार एआइजीको पद पुनः रिक्त हुन्छ । यस्तै सिंहकै ब्याची नायब महानिरीक्षकहरु डीआइजी नलप्रसाद उपाध्याय, मोहनकुमार आचार्य र मसाउद आलम खाँ पनि अवकाशमा जाँदैछन् । प्रहरी वरिष्ठ उपरीक्षक (एसएसएसपी) मा उमाशंकर पञ्जियार र जनकराज पाण्डे पनि अवकासमा जाने प्रहरी प्रधान कार्यालयले जनाएको छ ।

हालका महानिरीक्षक सिंहको अबकासपछि रिक्त हुने चार एआइजीमा डिआइजीहरु सन्दीप भण्डारी, सुदीप गिरी, टेक तामाङ, उमेशराज जोशी, मीरा चौधरी, रामदत्त जोशी, भीमप्रसाद ढकाल, दुर्गा सिंह, पोषराज पोखरेल र किरण राणाबीच प्रतिष्पर्धा हुने छ ।