जनकपुर | विवाहपञ्चमी महोत्सव हेर्न आएका दर्शनार्थीको पाकेटमारी गर्ने १३ जनालाई सशस्त्र प्रहरीले नियन्त्रणमा लिएकाे छ ।

जानकी मन्दिरको प्रांगण तथा छेउछाउबाट आज विहान १३ जना पाकेटमारलाई नियन्त्रणमा लिएको धनुषाका सशस्त्र प्रहरी उपरीक्षक राजेश उप्रेतीले जानकारी दिए ।

उनीहरुलाई जिल्ला प्रहरी कार्यालय धनुषामा राखिएको छ । पक्राउ पर्नेमा अधिकांश महिला पाकेटमार रहेको प्रहरीले जनाएको छ ।