वीरगंज । महोत्तरीमा नक्कली प्रहरी वनेर लुटपाट गर्ने ६ जनालाइ प्रहरीले पक्राउ गरेको छ । बर्दिबास नगरपालिका वडा नम्बर ४ स्थित पूर्व–पश्चिम लोकमार्ग सडक खण्डदेखि चेरु माईस्थान जंगलमा सर्लाही हरिवन बस्ने राहुल महतोलाइ लुटपाट गरेको आरोपमा उनिहरु पक्राउ परेका हुन् । पक्राउ पर्नेहरुमा महोत्तरी बर्दिबास वडा नम्बर १४ बस्ने २२ वर्षीय निरज साह सोनार, २२ वर्षीय गुड्डु भन्ने पप्पु साह, २३ वर्षीय सन्दिप लामा, २० वर्षीय सनम मगर, वडा नम्बर १२ चल्कीटोल बस्ने २२ वर्षीय शैलेन्द्र राउत र धनुषा जनकपुर उप–महानगरपालिका वडा नम्बर ७ जिरोमाईल बस्ने १९ वर्षीय दिपक राउत रहेका छन् ।
पिडितका अनुसार माघ २८ मा चेरुस्थित एकान्त जंगलमा पुर्याएर सिआइडीको वहानामा नगद, मोबाइल र क्यामरा लुटपाट भएको छ । ‘मलाइ उनिहरुले हात–हातमा लठ्ठी लिएर चारैतिरवाट घेरा हाले’, पिडित महतोले भने, ‘उनिहरुले त्यसपछि मोबाइल, नगद र क्यामरा लिए ।’आफूसँग भएको डिएसएलआर क्यामरा चोरी गरेको स्विकार्नु पर्ने नत्र बर्सिबास बजार क्षेत्रवाट चोरी भएका मोटरसाइकलको मुद्दासमेत लगाउने त्रास समेत देखाएको पिडित महतोले बताएका छन् । चोरी भएका मोटरसाइकल बिषयमा माथी खबर नगरी छाड्ने र त्यस्को वदलामा २२ हजार ५ सय थप दिनुपर्ने उनिहरुले बताएपछि पैसा लिन घर पठाएको र फर्केर आउँदा उनिहरु फरार भएको पिडित महतोले प्रहरीलाइ बयान दिएका छन् ।
उनिहरुले महतोको साथवाट मोबाइल ३ थान, क्यामरा लेन्ससहित र ७५ हजार नगद लिएर फरार भएको प्रहरीलाई उजुरी दिएको प्रहरीले जनाएको छ । उजुरीको आधारमा नै आरोपित उक्त ६ जनालाइ बर्दिबास नगर क्षेत्रको विभिन्न ठाउँवाट पक्राउ गरिएको इलाका प्रहरी कार्यालय गौरिडाँडाका कार्यालय प्रमुख रवि रावलले जानकारी दिए । आरोपित ६ जनालाइ नै जिल्ला अदालत महोत्तरीवाट १० दिनको म्याद थप गरि हिरासतमा नै राखेर अनुसन्धान भैइरहेको प्रहरीले जनाएको छ । बर्दिबास नगर क्षेत्रमा चोरी, मोटरसाइकल चोरी जस्ता क्रियाकलापमा समेत सोही गिरोह हुन सक्ने प्रहरीको अनुमान छ ।
