वीरगंज । भोजपुरी सिनेमाका सुपरस्टार मानिने पवन सिंहमाथि अभिनेत्री यामिनी सिंहले गम्भीर आरोप लगाएकी थिइन् । यामिनी सिंहले उनीसँग काम गर्न नचाहेको बताएकी थिइन् किनकी अभिनेत्रीहरुले उनको फिल्ममा स्थान पाउँदैनन् । तर हालैको एक अन्तर्वार्तामा यामिनीले पवनसँग काम नगर्नुको कारण अर्कै भएको खुलासा गरिन् । यामिनीले भनेकी छिन् कि एक पटक अभिनेताले उनलाई सम्झौता गर्न भनेका थिए । न्युज १८ लाई दिएको अन्तर्वार्तामा यामिनीले पवन र आफुबीचको मनमुटावको वास्तविक कारण खुलासा गरिन् । स्पष्ट पार्दै यामिनीले भनिन्– ‘उनले मलाई काम दिलाएको कुरा उद्योगमा व्याप्त छ जुन सरासर गलत हो । मेरो पहिलो फिल्म ‘बोस’ मलाई निर्देशक अरविन्द चौबेले अफर गरेका थिए । यो पनि बताउन चाहन्छु कि मलाई यो फिल्मबाट कसैले निकालेको थिएन, बरु म आफैले निस्किएको हो ।’
पवन सिंहमाथि आरोप लगाउँदै यामिनीले भनिन्–‘मलाई पहिले लाग्थ्यो पवन धेरै राम्रो छन् र राम्रो काम गर्छन् । मलाई उनको गायन मन पर्यो । जब हामी सेटमा पहिलो पटक भेट्यौं, मैले उनको प्रशंसा गरें। त्यतिन्जेल मलाई उनको सत्यता थाहा थिएन। अब म उनका फ्यानहरूलाई सोध्न चाहन्छु कि यदि कसैले आमा, दिदी, बुहारी र छोरीलाई गलत भन्यो भने पनि के तपाई त्यो व्यक्तिको भक्त भएर बस्ने ?’यामिनीले भनिन्– ‘पवन सिंहले मलाई सम्झौता गर्न भनेका थिए । त्यो दिन मैले यो उद्योगमा रहिरहन्छु, सबैसँग काम गर्छु, तर उनीहरुसँग काम गर्दिनँ भन्ने वाचा लिएकी थिएँ । यदि मैले गल्ती गर्नु नै छ भने म हलिउडमा गएर गल्ती गरेर अघि बढ्दिन।’ सम्झौताको विषयमा यामिनीले यो फिल्मको दृश्य नभएर अर्कै कुरा भएको बताइन् ।
यामिनीले ‘बोस’ फिल्मका क्रममा आफूले कसरी नराम्रो र असभ्य व्यवहारको सामना गर्नुपरेको बताइन् । यामिनीले भनिन्– ‘रात ९ बजे फोन आयो, अटो समाएर स्टुडियो आउन भने । मैले यतिबेला भनेँ, उताबाट जवाफ आउँछ, फिल्म गर्न मन छैन ? मैले सोधें पवन सिंहसँग पनि यसरी कुरा गर्छौ ? उताबाट जवाफ आउँछ कि उनी सुपरस्टार हुन्। त्यसैले मैले पनि आफूलाई सुपरस्टार भनेर फोन पनि काटिदिए र फिल्ममा काम गर्न अस्वीकार गरें ।’यामिनीले अहिले खेसरीलाल यादवसँग धेरै प्रोजेक्ट गरिरहेकी छिन् । योसँगै उनीहरुको सम्बन्धमा पनि धेरै प्रश्न उठिरहेका छन् । खेसरीको बारेमा कुरा गर्दै यामिनीले भनिन्- ‘हेर्नुहोस्… यो धेरै सानो कुरा हो । मानिसहरूले सलमान खानले कट्रिना कैफलाई काम दिएर उनलाई सुपरस्टार बनाएको बताउँछन् । यसबारे सलमानले भन्छन्, ‘यदि म सुपरस्टार मेकर भएको भए पहिला मेरा दुई भाइलाई सुपरस्टार बनाउने थिएँ । खेसारी पनि त्यही भन्छन् । धेरैले मलाई खेसरीको चम्ची भन्छन्, तर म सत्य बोल्न सक्ने भएकाले म चम्ची होइन भनेर ती विरोधीहरूलाई भन्न चाहन्छु।’
