धनुषा । धनुषा जनकनन्दिनी गाउँपालिका इनर्वा सोनपर बाँधनजिकै भारतीय महिला मृत अवस्थामा भेटिएकी छन् । मंगलबार दिउँसो जनकनन्दिनी गाउँपालिका १ इनर्वा रेल्वे पश्चिम सोनपर बाँध चौरीमा अन्दाजी ५० वर्षीया महिलाको शव फेला परेको जिल्ला प्रहरी कार्यालय धनुषाले जनाएको छ ।

ईलाका प्रहरी कार्यालय खजुरीबाट खटिएको प्रहरी टोलीले मृतक महिलाको झोला खोजबिन गर्दा सानो चिटमा फोन नम्बर फेला परेको र फोनमा कुरा गर्दा भारत मुजफ्फरपुर बस्ने महिलाको शव रहेको पुष्टि भएको जिल्ला प्रहरी कार्यालय धनुषाका प्रहरी नायव उपरीक्षक दीपक रायले बताए ।

मृतक महिलाकी आफन्तहरूलाई जानकारी गराएर शव कानुनबमोजिम प्रारम्भिक अनुसन्धानपश्चात पोस्टमार्टमका लागि प्रादेशिक अस्पताल जनकपुरमा ल्याइएको प्रहरी नायव उपरीक्षक रायले बताए । मृत अवस्थामा भेटिएकी महिलाको मृत्युबारे थप अनुसन्धान भइरहेको प्रहरीले जनाएको छ ।