वीरगंज । सरकारले धानको समर्थन मूल्यको कार्यान्वयन नगरेको भन्दै वीरगञ्जमा नेपाल किसान महासंघ र अखिल नेपाल किसान महासंघ लगायत किसानहरुले संयुक्त रूपमा आन्दोलन गर्दै विरोध र्यालिका निकालेका छन् ।सरकारले धानको समर्थन मूल्यको कार्यान्वयन र मलको सहज आपूर्ति नगरेको भन्दै किसानहरुले सरकारबिरुद्ध आन्दोलन गरेका हुन् । धानको मूल्य निर्धारण गर्नु स्वागत योग्य भए पनि मंसिरको मध्यसम्म पनि सरकारी निकायले धान खरिद प्रक्रिया शुरु नगरेको कारण किसानहरू व्यापारीलाई सस्तो मूल्यमा बेच्न बाध्य भएको पनि उनीहरुको गुनासो छ ।किसान हकहित संघर्ष समिति पर्साका अध्यक्ष शमरुम राउत गद्दीले नेपाललाई किसानको देश भनिएपनि त्यो भनाईमा मात्र सिमित रहेको गुनासो गरेका छन् ।
उनले आज मात्रै २५ सय रुपैया क्वीन्टलमा आफु नै बाध्य भएर धान बेचेर आफ्नो बच्चाको विधालयमा शुल्क तिर्न बाध्य भएको गुनासो गरे । उनले थप्दै भने , खेतीपातीका लागि अहिले मलखाध लगायत सबै सामाग्रीको आवश्यतmा छ । अब खेती गर्ने समय चलिरहेको बेला न खाध पाएका छौँ । न त सरकारले निर्धारण धानको मुल्यमा धान नै बेच्न पाएका छौँ । अन्य खेती गर्न विभिन्न सामाग्री जोहोको लागि हामी किसानहरुले धान बेच्नै पर्ने बाध्यताले वर्षेनी सस्तोमा धान बेचिरहेका छौँ तर हाम्रो दुखेसो सुनिदिने कोही छैनन् , न त नेता , न सासंद , न मन्त्रि । त्यसैले हामी आफ्नो हकका लागि आफै सडकमा आउनुपरेको हो । त्यस्तै किसान महासंघका जिल्ला अध्यक्ष अमर प्रसाद यादवले सरकारले धान समयमा निर्धारित मुल्यमा नलिदा विचौलियाले फाईदा लिरहेको तथा खेतीपातीका लागि धान बेच्न नपाएको र खाध समेत नपाएकोमा अवस्थामा अन्य खेतीपातीलाई ढिलो हुँदा किसानहरुलाई ठुलो नोक्सानी बेहोर्नुपर्ने अवस्था सिर्जना भएको गुनासो गर्दै सरकारले नसुनेको कारण बाध्यताले आन्दोलनमा उत्रिनुपरेको बताए ।
किसान अगुवा किशोरी प्रसाद साह भन्छन् , किसानले भोग्दै आएको समस्यामा झन् समस्या थपिदै गएको तथा सरकारले धानको मुल्य निर्धारण गरेपनि त्यो अनुसारको मुल्यमा धान बेच्न समेत नपाएको अवस्था छ । त्यसैले आज सरकार तथा सम्बन्धित निकायको ध्यानाकर्षण गर्नका लागि आन्दोलन गर्नुपरेको हो । कार्तिक १६ गतेको मन्त्रीपरिषद्को बैठकले यसवर्षका लागि धानको समर्थन मूल्य निर्धारण गर्दै मोटा धानको मूल्य २९ सय ६७ र मध्यम धानको ३१ सय २८ रुपैयाँ तोके पनि यो मूल्यले किसानलाई लाभ पुग्ने स्थिति नरहेको कारण सरकारलाई ध्यानाकर्षण गराउने उद्देश्यले पहिलो दिन किसानहरुले खाध व्यवस्था तथा व्यापार कम्पनी लिमिटेडमा आधा घण्टा धर्ना समेत दिएका छन् । यसअघि किसान महासंघले घोषणा गरेको आन्दोलनको कार्यक्रम अन्तर्गत नै मंसिर २५ गते आज खाद्य कम्पनीको देशभर रहेको कार्यालय तथा डिपोमा धर्ना दिईएको हो । निर्धारित आन्दोलनको अवधिभित्र धान खरिद प्रक्रिया सुरु नगरिए दोस्रो चरणको आन्दोलन सार्वजनिक गर्ने महासंघले चेतावनी दिएको छ ।
