वीरगंज । तेस्रो हार्दै बेहोर्दै मधेश प्रदेश वाई वाई यू–१९ क्रिकेट प्रतियोगिताबाट बाहिरिएको छ । मधेश प्रदेशलाई हराउँदै प्रदेश १ ले प्रतियोगितामा दोस्रो जित दर्ता गरेको छ । दोस्रो जित दर्ता गर्ने क्रममा प्रदेश १ ले मधेश प्रदेशमाथि १० विकेटको जित दर्ता निकालेको छ ।

मधेशले दिएको ७१ रनको लक्ष्य प्रदेश १ ले बिना विकेटको क्षतीमा १९.२ ओभरमा पुरा गरको छ । जसमा सोनु अन्सारीले ४५ र सुभम गहतराजले अविजित २४ रनको योगदान गरे । त्यसअघि मुलपानी मैदानमा टस जितेर पहिला ब्याटिङ गरेको मधेश ३१.३ ओभरमा ७० रनमा अलआउट भयो ।

उसका लागि मयन यादवले सर्वाधिक १९ रन बनाए । प्रदेश १ का विपिन महतोले ३, दिपेश कडेलले ३, सन्देश भट्टराईले २ विकेट लिए । चारखेलबाट दुईमा जित निकालेको प्रदेश १ को फाइनल पुग्ने आशा जिवितै छ । मधेश प्रदेश भने तेस्रो हारले प्रतियोगिताबाट बाहिरिएको छ ।