वीरगंज । ज्यान मुद्दामा २० वर्ष कैद सजायको फैसला भएका दुईजना फरार कसुरदारलाई प्रहरीले २० वर्षपछि अर्घाखाँची र कपिलवस्तुको सिमानाबाट पक्राउ गरेको छ । पक्राउ पर्नेमा अर्घाखाँचीको भूमिकास्थान नगरपालिका–१० घर भएका ४० वर्षीय शालिकबहादुर बुढा र ३६ वर्षका नारायण बुढा छन् ।

२०६७ माघमा शालिकबहादुर र नारायण बुढासहित ९ जना मिलेर साविक धनचौर गाविस–९ स्थित प्यारेमा दधिराम भुसालको हत्या गरेको अर्घाखाँचीका डिएसपी मुकुन्द रिजालले रातोपाटीलाई बताए ।

हत्या गरेर फरार भएका शालिक र नारायणलाई प्रहरीले १२ वर्षपछि पक्राउ गरेर कानुनी दायरामा ल्याएको छ । जिल्ला अदालत अर्घाखाँचीले २०७५ असार ३ मा आरोपीहरुलाई २० वर्ष कैद सजाय हुने फैसला गरेको थियो । हत्यामा संलग्न एकजना कसूरदार अझै फरार छन् ।