वीरगंज । केही दिनदेखिको वर्षाका कारण देशका विभिन्न सानाठूला नदी र खोलामा बहाव बढ्नेक्रम जारी छ । पानी पर्ने क्रम नरोकिएकाले थप बहावको सम्भावना रहेको जल तथा मौसम विज्ञान विभागले बताएको छ ।

वाग्मती नदीमा पनि जल सतह उल्लेख्य बढेको छ । वाग्मती नदी खोकना जलमापन केन्द्रमा जल सतह उल्लेख्य बढी सतर्कता तह आसपास पुगेको विभागले जानकारी दिएको छ । नदी तटीय क्षेत्रमा रहनेले आज साँझसम्म उच्च सतर्कता अपनाउन विभागले आग्रह गरेको छ ।