वीरगंज । रामनिवास पटेल । लोकतान्त्रीक समाजवादी पार्टी जिल्ला कार्य समिति पर्साको जिल्ला उपाध्यक्ष राजेश साहको अध्यक्षतामा जिल्लाका केन्द्रीय सदस्य,प्रदेश सदस्य,जिल्ला कार्य समितिका पदाधिकारीको बैठक बसी यही मिति २०७९ मंसिर ४ गते हुने प्रतिनिधि सभा र प्रदेश सभा सदस्यहरुको निर्वाचनको लागि प्रत्यक्ष तथा समानुपातिक तर्फका उम्मेदवारी छनौट गरि नाम सिफारिस गरिएको छ ।
मनोज साहको प्रदेश सभा पर्सा क्षेत्र नम्बर २ को ख बाट प्रत्यक्ष उम्मेदवार तर्फ नाम सिफारिस भएको छ । बिगतको धेरै बर्ष देखि राजनीतिमा सक्रिय रहि मधेसका जनताको सेवा गर्दै आएका मनोज साहलाई लोकतान्त्रिक समाजवादी पार्टी नेपालले पर्साको क्षेत्र नम्बर २ को (ख) बाट प्रत्यक्ष उम्मेदवार तर्फ नाम सिफारिस गरिएको छ । देश र जनताको हितको लागि जहिले पनि अग्रसर रहने मनोज साहलाई पार्टीले नाम सिफारिस गरिएको छ ।
युवा देशका भविष्य हुन तर रोजगारी नपाएर आफ्नो घर, परिवार र देश छोडेर विदेशी मुलुकमा रगत बगाउन वाध्य भएका छ्न । देश तथा जनताको भविष्य अंध्यारो पर्ने ई सफेद लुगा र अनुहार भएका, तर मन कालो र स्वार्थी नेताहरुलाई यसपाली #Boycott_From_Politics गरेर युवा शक्ति देखाउन अत्यन्त जरूरी छ। जसरी एउटा महिलाको पीडा एउटा महिलाले मात्र बुझ्न सक्छ त्यस्तै एउटा युवाको पीडा एउटा युवाले मात्र बुझ्न सक्छ । लोकतान्त्रिक समाजवादी पार्टीले यूवालाई यूवाको लागी छनौट गरेर ठूलो परिवर्तन तर्फ एक पाइला चालेको छ । यो अरू सबै राजनीतिक दलहरुको लागि एउटा उदहारण हुने छ।
