वीरगंज । जनता समाजवादी पार्टी (जसपा) परित्याग गरेका केन्द्रिय सदस्य मुरली मनोहर तिवारी (सिपु) सहित २६ जना नेकपा माओवादी केन्द्रमा प्रवेश गरेका छन् । पर्साको कालीकामाइ गाँउपालिका ५ बिरन्चीबर्वा निवासी तिवारी सहित २६ जनाले जसपा परित्याग गरेको दुइ दिन पछि नेकपा माओवादी केन्द्रमा प्रवेश गरेका हुन् ।काठमाण्डौमा आयोजित एक कार्यक्रममा उनिहरुलाइ माओवादी केन्द्रका अध्यक्ष पुष्पकमल दाहाल प्रचण्डले टिका र खादा लगाएर पार्टी प्रवेश गराएका हुन् ।

यसअघि गत मङगलबार एक प्रेस विज्ञप्ति जारी गर्दै तिवारीले जसपाको नेतृत्व तहमा स्वेच्छारिता , निरकुंशता र एकलौटी ढंगबाट पार्टी सन्चालन गर्ने प्रवृति बढेकाले आफुहरुले सामुहिक रुपमा जसपाबाट राजीनामा दिएको बताएका थिए । साथै उनले पार्टीमा बढ्दै गएको बेथिती र विकृती बारे नेतृत्वलाइ पटक पटक बैठक र छलफलका माध्यमले ध्यानाकर्षण गराएको भएपनि समस्या सामधानको सट्टा नेतृत्व तह सत्ता स्वार्थमा मात्रै केन्द्रित भएकाले बाध्य भएर आफुहरुले राजनीनामा दिनु परेको बताएका थिए ।

तिवारीसंगै जसपा परित्याग गरि माआोवादीमा प्रवेश गर्नेहरुमा रन्जन साह , लक्षमण साह , चोकट महत्तो , अलाउदिन मियाँ , जबर अली , अनुपमा तिवारी , रामकलश साह , जाकिर हुसैन , गम्भिरा साह , अमरेश कुशवाहा , पन्नालाल साह , आमीर हवारी , सत्रुधन सहनी , विवेक गुप्ता गरि २६ जना रहेका छन् । जसपा परित्याग गरि माओवादी केन्द्रमा प्रवेश गरेका सिपु तिवारीलाइ माओवादी केन्द्रले पर्साको निर्वाचन क्षेत्र नम्बर ४ को (ख) बाट प्रदेशसभा सदस्य प्रत्यक्ष तर्फको उम्मेदवारमा सिफारिस गरेको छ ।