वीरगंज । वीरगंजमा विश्वविधालय स्थापना हुनु पर्ने वीरगन्जवासीको झण्डै साढे दुइ दशक देखिको चाहना पुरा भएको छ ।मधेस प्रदेश सरकारले वीरगन्जमा मधेस विश्वविधालयकाो स्थापना गरेसंगै वीरगन्जवासीको त्यो चाहना पुरा भएको हो । वीरगन्जमा विश्वविधालय स्थापनाका लागि २०५४ साल देखि नै वीरगन्जवासीले अनवरत प्रयास गर्दै आएका थिए । २०६३ सालमा वीरगन्ज विश्वविधालय स्थापना र सन्चालनका लागि यहाका स्थानीय सरकार ,संघसंस्था र शिक्षाप्रेमीले रकम संकलन पनि गरेका थिए । तर सरकारले अनुमति नदिदा विश्वविधालय स्थापना र सन्चालन गर्ने वीरगन्जवासीको चाहना पुरा हुन सकेको थिएन ।

अहिले भने मधेस प्रदेश सरकारले वीरगन्जमा मधेस विश्वविधालय स्थापना गरेको हो । बुुधबार बेलुकी भव्य कार्यक्रम गरेर मधेस विश्वविधालयको उद्घाटन पनि गरिएको छ । पुर्व उपप्रधानमन्त्री एंव जनता समाजवादी पार्टी (जसपा)का राष्ट्रिय अध्यक्ष उपेन्द्र यादवले मधेस विश्वविधालयको उद्घाटन गरेका हुन् । वीरगन्जको श्रीपुर स्थित नेशनल ट्रेडिङको भवनमा मधेस विश्वविधालयको केन्द्रिय कार्यालय स्थापना गरिएको छ । विश्वधिालयको उपकुलपतिमा वीरगन्जकै प्राध्यापक डाक्टर दिपक शाक्यलाइ नियुक्त गरिएको छ ।

विश्वविधालयको भवन करिब १ सय बिघा जग्गामा निर्माण गरिने र त्यसका लागि जग्गाको खोजी भइरहेको उपकुलपति डाक्टर शाक्यले जानकारी दिए ।शाक्यले भने ,‘ नेशनल ट्रेडिङको भवनममा विश्वविधालयको कार्यालय मात्रै सन्चालन हुनेछ , भवन निर्माणका लागि करिब १ सय बिघा जग्गा वीरगन्ज आसपासमै खोजी रहेका छौं , जग्गा प्राप्त भएसंगै एक जना दाताले भवन निर्माणका लागि दुइ सय करोड रुपैया दान दिन तयार छन् । समुद्घाटन समारोहलाइ सम्बोधन गर्दै उपकुलपति शाक्यले वीरगन्जमा विश्वविधालय स्थापना गर्ने वीरगन्जवासीको २५ वर्ष पहिला देखिको चाहना अब पुरा भएको बताए ।उनले मधेस विश्वविधालयलाइ अन्र्तराष्ट्रिय स्तरको नमूना विश्वविधालय बनाइने प्रतिबद्धता जनाए । उनले भने ,‘ यो विश्वविधालयमा अहिले अन्य विश्वविधालयमा चलिरहेका कोर्ष भन्दा फरक कोर्षहरु ल्याइनेछ ।

शाक्यले मधेस विश्वविधालयको स्थापना मधेसको शिक्षाको इतिहासमा एउटा कोशे ढुङगा साबित हुने बताए । उनले भने ,‘ यो मधेस सरकारको अहिले सम्मकै सबै भन्दा उत्कृष्ट काम हो । विश्वविधालय स्थापनाले मधेसको राजनीतिक , सामाजिक , आर्थिक , सांस्कृतिक रुपान्तरणमा ठूलो टेवा पुग्ने जिकिर पनि उनले गरे । समुद्घाटन समारोहलाइ सम्बोधन गर्दै मधेसका मुख्यमन्त्री लालबाबु राउतले पनि वीरगन्जमा विश्वविधालय स्थापना गर्ने २०५४ साल देखिको वीरगन्ज्वासीको सोच अहिले मधेस सरकारले पुरा गरेको बताए ।

उनले भने,‘ आज भन्दा २५ वर्ष पहिले नै वीरगन्जमा एउटा विश्वविधालय हुनुपर्छ भनेर हामी लागेका थियौ , त्यसका लागि अनवरत प्रयास पनि गरयौ तर सफल हुन सकिएन ,अहिले आएर वीरगन्जवासीको त्यो चाहना र सोच मधेस सरकारले पुरा गरेको छ ।आजको युग विज्ञान र प्रविधिको युग भएकाले मधेस विश्वविधालयलाइ विज्ञान र प्राविधीक शिक्षाको हबका रुपमा विकास गर्न उनले सुझाव पनि दिए । विश्वविधालयको समुद्घाटन गर्दै पूर्व उपप्रधानमन्त्री एंव जसपाका राष्ट्रिय अध्यक्ष उपेन्द्र यादवले मधेस विश्वविधालयलाइ प्राविधिक जनशक्ति उत्पादन गर्ने नमूना शिक्षण संस्थाको रुपमा विकास गर्न सुझाव दिए ।

यादवले भने ,‘ विश्वविधालय धेरै छन् , तर घोकन्ते र रटन्ते शिक्षा मात्रै दिने ती विश्वविधालयहरु भन्दा फरक हुनु पर्छ मधेस विश्वविधालय , किन कि अहिलेको युग विज्ञान र प्रविधीको युग हो , यसैलाइ मध्यनजर गरेर मधेस विश्वविधालय अगाडि बढ्नु पर्छ ।मधेस विश्वविधालयलाइ केव शैक्षिक प्रमाणपत्र बाड्ने संस्था नबनाएर गुणस्तरीय शिक्षा प्रदान गर्ने शैक्षिक हबको रुपमा सन्चालन गर्न उनले सुझाव दिए ।समुद्घाटन कार्यक्रममा संघीय सकारका वन तथा वातावरणमन्त्री प्रदीप यादव , मधेस प्रदेश सरकारका सामाजिक विकास मन्त्री एंव मधेस विश्वविधालयका कुलपति नवलकिशोर साह , वीरगन्ज महानगरपालिकाका मेयर राजेशमान सिंह , वीरगन्ज उद्योग वाणिज्य संघका अध्यक्ष डाक्टर सुबोध गुप्ता , विभिन्न विश्वविधालयका उपकुलपति , शिक्षा विद लगायतको पनि सहभागिता थियो ।