वीरगंज । कंचनजंघा स्कुलले आयोजना गरेको विद्यार्थी परिषद २०७९ को पदस्थापन समारोह तथा ब्याच बितरण कार्यक्रम सम्पन्न भएको छ । वीरगंज महानगरपालिका वडा नं. ७ स्थित रामटोलमा संचालित कंचनजंघा बोडिङ्ग स्कुलको प्राङ्गणमा मंगलबार स्कुलका प्रध्यानाध्यापक वसन्त बुढाथोकीको अध्यक्षतामा भएको सो पदस्थापन समारोहका प्रमुख अतिथि वडा प्रहरी कार्यालय बिर्ताका प्रमुख प्रहरी निरीक्षक विशाल मल्लले विद्यार्थी परिषद २०७९ मा नियुक्त छात्र–छात्राहरुलार्इ ब्याच एवं मेडल वितरण गरेका थिए ।

उक्त समारोहमा प्रमुख अतिथी मल्लले बिद्यार्थीहरुको उज्ज्वल भविष्य र प्रगतिको लागि शुभकामना व्यक्त गरेका थिए । विद्यार्थीहरुले पाएको पदले आ–आफ्नो क्षेत्रमा ईमान्दारिता पुर्वक आफ्नो जिम्मेवारी निभाउन समेत उनले आग्रह गरे । त्यसैगरी अतिथिको आसनबाट बोल्दै नेपाल आदिवासी जनजाती पत्रकार महासंघ (फोनिज) पर्साका अध्यक्ष अजित भुजेलले जिम्मेवारी सबैको हुने, असल नागरिकको पहिचान भएको, जिम्मेवारीबाट पछि कहिले हट्नु नहुने र दिएको जिम्मेवारीलाई ईमान्दारिका साथ निभाउन पर्ने बताए ।

सो समारोहमा अतिथिहरु वीरगंज युवा समाजका अध्यक्ष कमल चौगाइ, सन्चारकर्मी सन्तोष रन्जितकार लगायत स्कुलका शिक्षक, शिक्षिका, बिद्यार्थीहरुको उल्लेखनीय सहभागिता रहेको थियो । कार्यक्रमको सहजीकरण स्कुलका डाइरेक्टर मार्टिन मोक्तानले गरेका थिए ।