वीरगंज । सुर्खेतको वीरेन्द्रनगर नगरपालिका–१०, पटानटोलमा दुई समूहबीच ‘ग्याङ फाइट’ हुँदा एकजनाको मृत्यु भएको घटनामा पाँचजना पक्राउ परेका छन् ।
मंगलबार राति तिजको नाच हेर्ने क्रममा दुई समूहबीच झगडा हुँदा स्थानीय २० वर्षीय रोशन जिसीको मृत्यु भएको थियो ।
पक्राउ पर्नेमा २२ वर्षीय ओमप्रकाश सुनारलगायत पाँचजना छन् । ओमलगायत व्यक्तिले कुटपिट गर्दा घाइते भएका रोशनको उपचारका क्रममा कर्णाली प्रदेश अस्पताल कालागाउँमा मृत्यु भएको प्रहरीले जनाएको छ ।
