वीरगंज । पर्साको पोखरीया नगरपालिकामा रहेका सामुदायिक विधालयका विधार्थी र शिक्षकहरुलाइ स्वास्थ्य सम्बन्धि तालिम दिइएको छ । पोखरीया बजार स्थित रामदेव कलवार प्राविधिक नमूना माविमा आयोजित तालिममा पाँच वटा विधालयका विधार्थी र शिक्षक गरि ६० जनाको सहभागीता रहेकाे थियाे ।

स्नायुजन्य र अपांगता भएका बालबालिकाका लागि आधारभूत स्वास्थय शिक्षाको ढोका खुला गर्ने परियोजना अन्तर्गत बीपी नेत्र प्रतिष्ठान कान, नाँक, घाँटी अस्पताल तथा पुर्नस्थापना केन्द्र लोकन्थली भक्तपुरले पोखरीया नगरपालिकाको शिक्षा शाखाको सहकार्यमा तालिमको आयोजना गरेको थियाे ।तलिममा सहभागीहरुलाइ बीपी नेत्र अस्पताल भक्तपुरका डाक्टर प्रशान्त पौडेल, जनक भट्टराई र सुनील कुमार यादवले नाँक,कान र घाँटीमा लाग्न सक्ने रोगका बारेमा जानकारी गराएका थिए ।

पोखरीया नगरपालिकाकी उपमेयर रूबी ठाकुरको अध्यक्षतामा आयोजित तालिममा नगरपालिकाका शिक्षा शाखा प्रमुख विजय कुमार झा, विधालयका प्रधानाध्यापक ओमप्रकास रौनियार लगायतको समेत सहभागीता रहेकाे थियो ।