वीरगंज । पर्साको पटेर्वासुगौली गाँउपालिका वडा नम्बर ४ भतौडाबाट प्रहरीले एक ट्र्याक्टर काठ बरामद गरेको छ।
प्रहरी चौकी रंगपुरटाडीबाट प्रहरी सहायक निरीक्षक गोपाल राय यादवको नेतृत्वमा खटिएको प्रहरी गस्ती टोलीले बिहीबार बेलुका ७ बजे भतौडा नजिकै राष्ट्रिय वन जंगलबाट काचो सालको गोलिया काठ कटान गरि भतौडा र देवरिया निचुटाको समिल र फर्निचर उधोगमा लैजादै गरेको एक ट्याक्टर काठ बरामद गरेको हो।
प्रदेश नम्बर २-०३-००१त ६०४७ नम्बरको ट्रेक्टरमा लोड गरिएको १२ थान सालको ६० क्युफिट काठ सहित ट्रेक्टर पक्राउ गरि ईलाका प्रहरी कार्यालय पटेर्वा सुगौलीमा राखिएको प्रहरी निरीक्षक किशोर आचार्यले बताए ।
