काठमाडौं । त्रिभुवन अन्तराष्ट्रिय विमानस्थलमा विमान ग्राउण्ड ह्‍यान्डलिङ गर्ने क्रममा दुई जहाज ठोक्किएका छन् ।

शुक्रबार दिउँसो श्री एयरलायन्स र यति एयरलायन्सको जहाज ठोक्किँदा दुवै जहाजमा सामान्य क्षति भएको विमानस्थल स्रोतले बताएको छ ।

विमानस्थलका प्रवक्ता प्रताप बाबू तिवारीका अनुसार श्री एयरलायन्सको सिटिआरजे ७०० र यति एयरलायन्सको एटिआर ७२ विमानस्थलको पार्किङस्थलमा ठोक्किएका हुन् ।