वीरगंज । झापा गाउँपालिकामा आगलागी हुँदा ६ घर जलेर नष्ट भएका छन् । झापा गाउँपालिका– ५ सिमलडाँगीमा बुधबार बिहान भएको आगलागीबाट ६ घर जलेको जिल्ला प्रहरी कार्यालय झापाका प्रवक्ता प्रहरी नायब उपरीक्षक वसन्त पाठकले जानकारी दिए ।

विद्युत् सर्ट भई आगलागी हुँदा अब्दुल कोरिम अली, अब्दुल जुलास अली, अमोर अली, अनाबर अली, इस्माइल अली, समित अलीको घर जलेको पाठकले बताए । उनका अनुसार यी सबै घर कच्ची थिए । अब्दुल कोरिम अलीको घरमा विद्युत् सर्ट भई आगलागी सुरु भएको प्रहरीले जनाएको छ ।

६ घर जलेर नष्ट हुँदा करिब २१ लाखबराबरको क्षति भएको प्रहरीले जनाएको छ । आगो स्थानीय, नेपाल प्रहरी र सशस्त्र प्रहरीले नियन्त्रणमा लिएको डिएसपी पाठकले जानकारी दिए ।