वीरगञ्ज । पर्साबाट एकजना बिचौलिया रंगेहात पक्राउ परेका छन् । नापी कार्यालय पर्साबाट उमा पाण्डे भनिने दिनेश पाण्डेलाई वडा प्रहरी कार्यालय बिर्ताले घुसरकमसहित रंगेहात पक्राउ गरेको हो ।
घुस मागिरहेको सूचना राजकुमार झाले प्रहरीलाई दिएपछि वडा प्रहरी कार्यालय बिर्ताबाट खटिएको टोलीले लेखापढीको काम गर्ने पाण्डेलाई पक्राउ गरेको हो ।
लालपुर्जा बनाउनका लागि पाण्डेले सेवाग्राहीसँग मागेको १ लाख २५ हजार रकमसहित रंगेहात नियन्त्रणमा लिइएको वडा प्रहरी कार्यालय बिर्ताका प्रमुख प्रहरी निरीक्षक बिशाल मल्लले जानकारी दिए ।
